«پەداگوگ مەرتەبەسٸ تۋرالى» جاڭا زاڭ بويىنشا مەكتەپكە دەيٸنگٸ بٸلٸم مەكەمەلەرٸندە, قوسىمشا بٸلٸم بەرەتٸن مەكەمەلەردە جەنە كەسٸبي-تەحنيكالىق بٸلٸم بەرۋ مەكەمەلەرٸندە جۇمىس ٸستەيتٸن پەداگوگتەر ٷشٸن دە ساناتىنا بايلانىستى بٸلٸكتٸلٸگٸن ارتتىرۋ مٷمكٸندٸكتەرٸ قاراستىرىلعان.
سونداي-اق پەداگوگيكالىق ماماندىعى جوق, بٸراق وسى سالادا جۇمىس ٸستەي الاتىن قىزمەتكەرلەر ٷشٸن پەداگوگيكالىق قايتا دايارلاۋ كۋرستارى بار.
بۇل تۋرالى PrimeMinister.kz-كە قر بٸلٸم جەنە عىلىم ۆيتسە-مينيسترٸ شولپان كارينوۆا ايتىپ بەردٸ.
وسى باعىتتا بٷگٸنگٸ كٷنٸ ونىڭ تەرتٸپتەرٸ مەن ەرەجەلەرٸن بەكٸتۋ جۇمىستارى جٷرگٸزٸلٸپ جاتىر. جالپى, قازاقستاندىق پەداگوگ ماماندار كەمٸندە بەس جىلدا بٸر رەت بٸلٸكتٸلٸگٸن ارتتىرۋعا قۇقىلى.
«جاڭا زاڭ اياسىندا پەداگوگتٸڭ ٶز بٸلٸكتٸلٸگٸن ارتتىرۋ ماقساتىندا قوسىمشا بٸلٸم بەرۋ باعدارلامالارى بويىنشا بٸلٸكتٸلٸكتٸ ارتتىرۋ كۋرستارىندا بٸر ۋاقىتتا جەنە ٷزدٸكسٸز, سونداي-اق كەزەڭ-كەزەڭمەن وقي الادى. سونداي-اق جەكەلەگەن باعىتتاردى, ساباقتاردى, پەندەردٸ (مودۋلدەردٸ) مەڭگەرە الادى. مىسالى, الدىمەن پەداگوگ ٶزٸ ساباق بەرەتٸن پەن بويىنشا كۋرستىق دايارلاۋدان ٶتەتٸن بولسا, كەلەسٸ جولى تەربيە جۇمىسىنا بايلانىستى, ودان كەيٸن جەكە تۇلعا رەتٸندە دامۋ ٷشٸن پسيحولوگييالىق كۋرستاردان ٶتۋٸ مٷمكٸن. بۇل مۇعالٸمنٸڭ بٷگٸنگٸ قوعامنىڭ تالابىنا ساي جان-جاقتى دامۋىنا, پەداگوگيكالىق شەبەرلٸگٸن ارتتىرۋعا سەپتٸگٸن تيگٸزەدٸ», - دەدٸ ش. كارينوۆا.
بۇل پەداگوگيكالىق ماماندىعى جوق, بٸراق وسى سالادا جۇمىس ٸستەي الاتىن قىزمەتكەرلەر ٷشٸن قاراستىرىلعان. سوندىقتان ناقتى پەداگوگيكالىق بٸلٸمٸ جوق ماماندار بولاتىن بولسا, ولار تيٸستٸ دەڭگەيدەگٸ قايتا دايارلاۋ كۋرستارىنان ٶتٸپ, تيٸستٸ كرەديت سانىن الىپ, ودان كەيٸن وسى ماماندىق بويىنشا قىزمەت ەتۋٸنە بولادى.
بٸلٸم جەنە عىلىم ۆيتسە-مينيسترٸنٸڭ ايتۋىنشا, قازاقستاندا پەداگوگ ماماندار تاپشى.
«بيىلعى وقۋ جىلىندا بەس مىڭعا جۋىق مامان تاپشى بولدى, جاڭا وقۋ جىلىندا جوعارى جەنە كەسٸبي تەحنيكالىق بٸلٸم مەكەمەلەرٸنەن پەداگوگ ماماندىعىن الىپ شىققان جاس ماماندار جۇمىسقا تارتىلدى. وسى مەسەلەنٸ شەشۋدە قايتا دايارلاۋ كۋرستارى ماڭىزدى رٶل اتقارادى», - دەدٸ ش. كارينوۆا.
سونىمەن قاتار 2020 جىلدىڭ ناۋرىز ايىنان باستاپ ەلٸمٸزدەگٸ بٸلٸم بەرۋ ۇيىمدارىندا قىزمەت ەتەتٸن بارلىق ساناتتاعى مۇعالٸمدەر اتتەستاتتاۋدان ٶتەدٸ. نەتيجەسٸندە, ولار بيىلعى جاڭا وقۋ جىلىندا, ياعني قىركٷيەكتەن باستاپ ٶزدەرٸنە تيٸستٸ ٷستەماقىنى الاتىن بولادى.
ايتا كەتەيٸك, وسى ۋاقىتقا دەيٸن تەك مەكتەپتەردە جۇمىس ٸستەيتٸن مۇعالٸمدەرگە بٸلٸكتٸلٸك ساناتىنا بايلانىستى 30%-دان 50%-عا دەيٸن ٷستەماقى تٶلەنٸپ كەلدٸ.
«بٸلٸم بەرۋ مەكەمەلەرٸنٸڭ ديرەكتورلارى مەن ورىنباسارلارى ٷشٸن وسىنداي مٷمكٸندٸكتەر قاراستىرىلعان. قازٸرگٸ ۋاقىتتا ەلٸمٸزدە 7000-نان اسا مەكتەپ, 827 كوللەدج جەنە 10 مىڭنان اسا مەكتەپكە دەيٸنگٸ مەكەمە مەن بالاباقشا جۇمىس ٸستەيدٸ. ولاردىڭ باسشىلارىنىڭ اتتەستاتتاۋدان ٶتٸپ, جالاقىلارىن 30%-دان 50%-عا دەيٸن كٶتەرۋگە مٷمكٸندٸكتەرٸ بار», - دەدٸ بٸلٸم سالاسى باسشىلىعىنىڭ ٶكٸلٸ.
ش. كارينوۆانىڭ ناقتىلاۋىنشا, مەكتەپ باسشىسىنىڭ دا, ورىنباسارىنىڭ دا ەڭبەكاقى كٶلەمٸ بٸلٸم بەرۋ ۇيىمىنداعى بٸلٸم ساپاسىنىڭ ارتۋىنا, وقۋشىلاردىڭ تەرتٸبٸنە, پەداگوگيكالىق ۇجىمنىڭ جەتٸستٸكتەرٸنە ت.ب. كريتەرييلەرگە بايلانىستى بولادى.
