ەدٸلەت مينيسترٸ قانات مۋسين جاڭا پارتييالاردى تٸركەۋ جاعىنان ەشقانداي قيىندىق بولمايتىنىن مەلٸمدەدٸ, دەپ حابارلايدى Sputnik قازاقستان.
"قازاقستاندا پارتييالار تۋرالى ناقتى ەرٸ تٷسٸنٸكتٸ زاڭ بار. وعان سەيكەس, ساياسي بٸرلەستٸكتٸ تٸركەۋ ٷشٸن كٶپ قۇجاتتىڭ قاجەتٸ جوق. ەكٸ-اق كەزەڭنەن ٶتۋ كەرەك. الدىمەن ەدٸلەت مينيسترلٸگٸنە پارتييانى قۇرۋ تۋرالى جازباشا حابارلاما بەرٸلەدٸ. سونداعى بارلىق مەلٸمەت, جينالعان قولداردىڭ سانى دا مۇقييات تەكسەرٸلەدٸ. ەيتپەسە, تٸزٸمگە و دٷنيەلٸك بولىپ كەتكەن ادامداردىڭ كٸرٸپ كەتۋ جاعدايلارى از ەمەس", - دەدٸ مۋسين جۋرناليستەرمەن بولعان كەزدەسۋدە.
بارلىق مەلٸمەت دۇرىس بولعان جاعدايدا مينيسترلٸك رەسمي حابارلامانى رەسمي تٷردە راستاپ, تيٸستٸ قۇجاتىن بەرەدٸ. سونىڭ نەگٸزٸندە ساياسي ۇيىمدى تٸركەۋ شارالارى باستالادى. فيليالداردى ۇيىمداستىرىپ, مٷشە ادامداردىڭ قاجەتتٸ سانىن جيناۋعا بولادى.
"ال مٷشەلەردٸڭ تيٸستٸ سانى جينالىپ, فيليالدار قۇرىلسا, مارحابات, تٸركەلۋگە رۇقسات بار. بٸراق بارلىق تالاپ ورىندالۋى شارت. بٸز ەشكٸمگە كەدەرگٸ جاسامايمىز", - دەپ اتاپ ٶتتٸ مۋسين.
وسى ورايدا جۋرناليستەر قازاقستاندا كٶپ جىل بويى بٸردە-بٸر پارتييانىڭ تٸركەلمەگەنٸن ەسكە سالدى. مينيستردٸڭ ايتۋىنشا, كٶپ نەرسە ساياسي بٸرلەستٸكتەردٸ ۇيىمداستىراتىن ادامداردىڭ ٶزدەرٸنە بايلانىستى.
"جوق جەردەن سىلتاۋ ٸزدەمەيسٸڭ عوي. الايدا ناقتى سەبەپ بولسا, كەشٸرٸڭٸز, بۇل – زاڭ, ال زاڭ ورىندالۋى قاجەت", - دەيدٸ مينيستر.
ايتا كەتەرٸ, قازاقستاندا زاڭ بويىنشا ساياسي پارتييانى تٸركەۋ ٷشٸن 20 مىڭ قول جيناۋ كەرەك. بۇدان بٶلەك, ەلدٸڭ ەربٸر ايماعىندا فيليالدار اشىلۋى شارت. ال وپپوزيتسييا ونداي تالاپتاردى ورىنداۋ وڭاي ەمەس دەپ وتىر. سوڭعى ون جىلدىڭ ٸشٸندە قازاقستاندا بٸردە-بٸر جاڭا ساياسي پارتييا تٸركەلگەن جوق.
بۇعان دەيٸن تٸركەلمەگەن "ەل تiرەگi" پارتيياسىنىڭ جەتەكشٸسٸ نۇرجان ەلتاەۆ ەدٸلەت مينيسترلٸگٸنٸڭ سان الۋان سىلتاۋمەن 16 رەت ٶتٸنٸشتٸ كەرٸ قايتارعانىن ايتقان. ال قوعام بەلسەندٸسٸ سانجار بوقاەۆ "Namys" اتتى تسيفرلىق پارتييانىڭ قۇرىلاتىنىن مەلٸمدەدٸ.
قازٸرگٸ كەزدە قازاقستاندا 6 پارتييا رەسمي تٷردە تٸركەلگەن. ولاردىڭ ٷشەۋٸ پارلامەنتكە ٶتتٸ.
