«جاڭا قازاقستان» دەپۋتاتتىق توبىنىڭ 3 تەڭ تٶراعاسى بولۋى مٷمكٸن. بۇل تۋرالى قر پارلامەنتٸ مەجٸلٸسٸنٸڭ دەپۋتاتى ايدوس سارىم ايتتى, دەپ حابارلايدى قازاقپارات.
«الدىڭعى كٷنٸ دەپۋتاتتىق توپتىڭ باستاماشىلارى جينالىپ, اقىلداستىق. ونىڭ جارعىسىن قابىلدادىق. جارعىسىندا ەزٸرگە ٷش تەڭ تٶراعا بولادى دەپ كٶرسەتٸلگەن. ولار: ەدٸل جاڭبىرشين, ناتاليا دەمەنتەۆا جەنە مەن. قازٸر توپقا قوسىلۋعا كەلٸپ جاتقان ازاماتتار دا جوق ەمەس. قوسىمشا جالاقى تٶلەنبەيدٸ. بٸراق مەجٸلٸس تٶرالقاسىنا, بيۋروسىنا بٸر ادامىمىزدى جولداۋعا مٷمكٸندٸك الامىز. ياعني, ولارعا تۇراقتى قاتىسۋعا مەجٸلٸستٸڭ كٷنتەرتٸبٸنە ەسەر ەتۋگە, دەپۋتاتتىق ساۋال جولداۋعا, مينيسترلەردٸ جەكە شاقىرتۋعا, ايماقتارعا شىعۋعا مٷمكٸندٸگٸمٸز بولادى», - دەدٸ ول ەلوردادا ۇيىمداستىرعان باسپاسٶز مەسليحاتى بارىسىندا.
سونىمەن قاتار مەجٸلٸس دەپۋتاتى ٶكٸنٸشكە وراي قوعامىزدا جۇرتقا سٶزٸن تىڭداتا الاتىن تۇلعالاردىڭ ازايىپ بارا جاتقاندىعىن باسا ايتتى.
«اۆتوريتاريزم دەگەن نەگٸزٸ ەلگە جاقسى ەمەس ەكەندٸگٸن تٷسٸندٸك. قازٸر باستالعان ٷدەرٸستەردٸ, تازارۋدى, ارىلۋدى اياعىنا دەيٸن جەتكٸزۋ كەرەك. بۇل - ٷلكەن مەسەلە. شىنىن ايتۋ كەرەك, ايتقانعا عانا وڭاي. ادام رەتٸندە دە, مەجٸلٸس دەپۋتاتى رەتٸندە پرەزيدەنتتٸڭ شىن نيەتٸ بار ەكەنٸنە سەنەمٸن. پرەزيدەنتكە وڭاي ەمەس. پرەزيدەنتتٸڭ سوڭعى قابىلداعان شەشٸمدەرٸ – تاريحي شەشٸمدەر. يە, «باتپانداپ كٸرگەن نەرسە, مىسقالداپ شىعادى» دەگەن قازاقتىڭ ماقالى بار. مەنٸڭشە, ول - جالعىز پرەزيدەنتتٸڭ قولىنان كەلەتٸن شارۋا ەمەس. بٷكٸل قوعام بولىپ ارالاسۋىمىز, قاداعالاۋىمىز كەرەك. ەسٸرەسە, وسى اۆتوريتاريزمگە, مونوپوليزاتسيياعا, وليگوپوليياعا الىپ كەلگەن مەسەلەلەرمەن قوعام رەتٸندە بەلسەندٸ كٷرەسۋمٸز قاجەت جەنە ولاردىڭ قارسىلىعى بولاتىندىعىن دا تٷسٸنۋگە تيٸسپٸز», - دەدٸ ايدوس سارىم.
