الماتىدا اس بەرۋگە رۇقسات ەتٸلدٸ. ساۋنالار, كۋرورتتىق ورتالىقتار, بازارلار مەن ساۋدا ورتالىقتارى قالانىڭ «سارى» ايماققا ەنۋٸنە بايلانىستى جۇمىس ٸستەۋگە مٷمكٸندٸك الدى. بۇل تۋرالى جانداربەك بەكشين ايتتى, دەپ حابارلايدى "ۇلت اقپارات".
ونلاين بريفينگ بارىسىندا جانداربەك بەكشين جاڭا قاۋلىعا ەنگٸزٸلگەن ٶزگەرستەردٸ اتاپ ٶتتٸ.
«بٸز وبەكتٸلەردٸ ەكٸ بلوكقا بٶلدٸك: Ashyq قوسىمشاسىنا قاتىسپايتىن جەنە Ashyq قوسىمشاسىنا قاتىساتىن نىساندار. ايتالىق, قوعامدىق تاماقتانۋ ورىندارى ساعات 00:00-گە دەيٸن جۇمىس ٸستەي الادى, بٸراق ورىندار سانى 60-قا دەيٸن بولۋ كەرەك. سونىمەن قاتار, اس بەرۋگە رۇقسات ەتٸلٸپ جاتىر, بٸراق شاقىرىلعان ادامدار سانى 50-دەن اسپاۋى شارت. «قىزىل» ايماقتا بولعان كەزدە بوۋلينگ ورتالىقتارى كەلۋشٸلەر سانى 30%-دان اسپايتىن كٶلەمدە جۇمىس ٸستەدٸ, ال قازٸر بۇل كٶلەم 50%-دان اسپاۋى تيٸس دەلٸنەدٸ, ياعني بيلياردپەن بٸردەي. تەاترلار, كينوتەاترلار ادام قابىلداۋ كٶلەمٸنٸڭ 40 پايىزى دەڭگەيٸندە جۇمىس ٸستەي الادى, بۇرىن ول 30 پايىزدى قۇرادى», - دەدٸ ول.
سونداي-اق ول كەزەكشٸ توپتاردا ەندٸ 25 بالادان وقي الاتىنىن (الدىندا 15 بالا بولعان) جەتكٸزدٸ, كەڭسە قىزمەتكەرلەرٸنٸڭ 50 پايىزى وفلايندا جۇمىس ٸستەۋٸنە رۇقسات, جابىق جەنە اشىق بازارلار ەشقانداي شەكتەۋسٸز جۇمىس ٸستەي الادى (الدىندا ولاردىڭ جۇمىسىنا سەنبٸ, جەكسەنبٸ كٷندەرٸ تىيىم سالىنعان).
Ashyq جوباسىنا قاتىساتىن ساۋنالار, كۋرورتتار, سپورت كەشەندەرٸ, فيتنەس ورتالىقتار, يوگا ورتالىقتارى دا شەكتەۋسٸز جۇمىس ٸستەي الادى.
جاڭا قاۋلى 8 ماۋسىمدا كٷشٸنە ەنەدٸ.
