Almatyda as berýge ruqsat etildi. Saýnalar, kýrorttyq ortalyqtar, bazarlar men saýda ortalyqtary qalanyń «sary» aimaqqa enýine bailanysty jumys isteýge múmkindik aldy. Bul týraly Jandarbek Bekshin aitty, dep habarlaidy "Ult aqparat".
Onlain brifing barysynda Jandarbek Bekshin jańa qaýlyǵa engizilgen ózgersterdi atap ótti.
«Biz obektilerdi eki blokqa bóldik: Ashyq qosymshasyna qatyspaityn jáne Ashyq qosymshasyna qatysatyn nysandar. Aitalyq, qoǵamdyq tamaqtaný oryndary saǵat 00:00-ge deiin jumys istei alady, biraq oryndar sany 60-qa deiin bolý kerek. Sonymen qatar, as berýge ruqsat etilip jatyr, biraq shaqyrylǵan adamdar sany 50-den aspaýy shart. «Qyzyl» aimaqta bolǵan kezde boýling ortalyqtary kelýshiler sany 30%-dan aspaityn kólemde jumys istedi, al qazir bul kólem 50%-dan aspaýy tiis delinedi, iaǵni biliardpen birdei. Teatrlar, kinoteatrlar adam qabyldaý kóleminiń 40 paiyzy deńgeiinde jumys istei alady, buryn ol 30 paiyzdy qurady», - dedi ol.
Sondai-aq ol kezekshi toptarda endi 25 baladan oqi alatynyn (aldynda 15 bala bolǵan) jetkizdi, keńse qyzmetkerleriniń 50 paiyzy oflainda jumys isteýine ruqsat, jabyq jáne ashyq bazarlar eshqandai shekteýsiz jumys istei alady (aldynda olardyń jumysyna senbi, jeksenbi kúnderi tyiym salynǵan).
Ashyq jobasyna qatysatyn saýnalar, kýrorttar, sport keshenderi, fitnes ortalyqtar, ioga ortalyqtary da shekteýsiz jumys istei alady.
Jańa qaýly 8 maýsymda kúshine enedi.
