20 اقپان كٷنٸ الماتى قالاسىنداعى الماتى وبلىسىنىڭ قىزمەت كٶرسەتۋ جەنە تاماقتاندىرۋ سالاسىنداعى يننوۆاتسييالىق تەحنولوگييالار كوللەدجٸنٸڭ مەجٸلٸس زالىندا وسى وقۋ ورنىنىڭ كٸتاپحانا ۇجىمى مەن رەسپۋبليكالىق «سىرلى قالام» شىعارماشىل جاستار ۇيىمىنىڭ ديرەكتورى بەكزات ريناتۇلىنىڭ ۇيىمداستىرۋىمەن «سارا سٶز» تانىمدىق جوباسىنىڭ كەزەكتٸ كەشٸ ٶتتٸ. «جاڭا عاسىر جاستارى جەنە بابا جولى» دەپ اتالعان كەش قوناعى «التىن حانىمدار», «ەسەم حانىمدار – ەلەمدٸ تاڭقالدىرعان ەجەلەر» توبىنىڭ جەتەكشٸسٸ بوتان كەرەيقۇلوۆا.
كەشتٸڭ باستى ماقساتى – جاھاندانۋ دەۋٸرٸندە ٶمٸر سٷرٸپ جاتقان جاڭا عاسىر جاستارىنا ۇلتتىق قۇندىلىقتاردىڭ ماڭىزىن ۇعىندىرۋ, بابالار اماناتىنا ادالدىق پەن رۋحاني ساباقتاستىقتى دەرٸپتەۋ. باعدارلاما بارىسىندا ەل بولاشاعى – جاستاردىڭ بويىندا ۇلتتىق رۋح, تەكتٸلٸك, ٸزگٸلٸك پەن جاۋاپكەرشٸلٸك قاسيەتتەرٸن قالىپتاستىرۋ جايى سٶز بولدى.
كەش بارىسىندا بوتان بەكەتبايقىزى ٶزٸنٸڭ ٶمٸر جولى, جەتٸستٸككە جەتۋ تاريحى, ۇلتتىق بولمىستى ساقتاي وتىرىپ ەلەمدٸك ارەنادا تانىلۋدىڭ قىر-سىرى تۋرالى مازمۇندى ەڭگٸمە ٶربٸتتٸ. ول جاستارعا ەڭ الدىمەن بٸلٸم مەن تەرتٸپتٸڭ, تاباندىلىق پەن ەڭبەكقورلىقتىڭ ماڭىزىن اتاپ ٶتتٸ. «ۇلتتىق تامىرىنان اجىراماعان ۇرپاق قانا جاھاندانۋ تولقىنىندا ٶز ورنىن تابا الادى», – دەگەن ويى ستۋدەنتتەردٸڭ جٷرەگٸنە جول تاپتى.
سونىمەن قاتار, قوناق قازاق ەيەلٸنٸڭ قوعامداعى رٶلٸ, انا تەربيەسٸ, وتباسى قۇندىلىعى, سىرتقى سۇلۋلىق پەن ٸشكٸ مەدەنيەتتٸڭ ٷيلەسٸمٸ جٶنٸندە تاعىلىمدى پٸكٸرلەرٸمەن بٶلٸستٸ. سەن ەلەمٸندەگٸ جەتٸستٸكتەرٸمەن قاتار, ۇلتتىق كيٸم ٷلگٸلەرٸن دەرٸپتەۋ ارقىلى قازاقتىڭ دەستٷرلٸ ٶنەرٸن حالىقارالىق دەڭگەيدە ناسيحاتتاپ جٷرگەنٸن ەرەكشە اتاپ ٶتتٸ.
كەش بارىسىندا ستۋدەنتتەر كٶكەيٸندەگٸ سۇراقتارىن قويىپ, ەركٸن پٸكٸر الماستى. اشىق فورماتتا ٶتكەن سۇحبات جاستاردىڭ بەلسەندٸلٸگٸمەن, مازمۇندى سۇراقتارىمەن ەرەكشەلەندٸ. قوناق ٶز كەزەگٸندە ەربٸر جاسقا ٷلكەن سەنٸم ارتاتىنىن ايتىپ, بيٸك ماقسات قويىپ, ادال ەڭبەك ەتۋگە شاقىردى.
تەمٸرلان رايىمبەرگەن,
الماتى وبلىسىنىڭ قىزمەت كٶرسەتۋ جەنە تاماقتاندىرۋ سالاسىنداعى يننوۆاتسييالىق تەحنولوگييالار كوللەدجٸنٸڭ ستۋدەنتٸ
