فوتو: fingramota.kz
كرەديتتٸ تەكسەرۋسٸز ەسەپتەن شىعارۋ تەرتٸبٸنٸڭ جاڭا شارتتارىن قارجى نارىعىن رەتتەۋ جەنە دامىتۋ اگەنتتٸگٸ تٶراعاسى مەدينا ەبٸلقاسىموۆا تٷسٸندٸردٸ, دەپ حابارلايدى Ult.kz.
قولدانىستاعى ەرەجەگە سەيكەس, مەرزٸمٸ ٶتٸپ كەتكەن كرەديتتٸ ەسەپتەن شىعارۋ ٷشٸن ەكٸ نەگٸزگٸ تالاپ بار. بٸرٸنشٸسٸ – بورىشكەردٸڭ اي سايىنعى تابىسى 2 ەڭ تٶمەنگٸ جالاقىدان اسپاۋى تيٸس (2026 جىلى بۇل شامامەن 170 مىڭ تەڭگە). ەكٸنشٸسٸ – ونىڭ اتىنا تٸركەلگەن مٷلٸكتٸڭ بولماۋى قاجەت.
الايدا قارىزدىڭ تٶلەۋ مەرزٸمٸ 5 جىلدان اسىپ كەتكەن جاعدايدا بۇل تالاپتار قولدانىلمايدى. ياعني ازامات تەك ٶتٸنٸش بەرسە جەتكٸلٸكتٸ, تابىس پەن مٷلٸككە قوسىمشا تەكسەرٸس جٷرگٸزٸلمەي, كرەديتتٸ ەسەپتەن شىعارۋ مٷمكٸندٸگٸ قاراستىرىلادى.
«ەگەر قارىز 5 جىلدان اسسا, ازامات ەكٸ شارتقا ساي بولۋى مٸندەتتٸ ەمەس. ٶتٸنٸش بەرسە بولدى, كرەديت ەسەپتەن شىعارىلۋى مٷمكٸن. تابىس پەن مٷلٸك تە تەكسەرٸلمەيدٸ», – دەدٸ ەبٸلقاسىموۆا مەجٸلٸستەگٸ بريفينگتە.
سونىمەن قاتار اگەنتتٸك باسشىسى پرواكتيۆتٸ بانكروتتىق تەتٸگٸ ەنگٸزٸلٸپ جاتقانىن دا اتاپ ٶتتٸ. بۇل جٷيە ٸسكە قوسىلعان جاعدايدا, بانكروت بولۋعا ٷمٸتكەر ازاماتتارعا مەملەكەتتٸك ورگاندار SMS-حابارلاما جٸبەرٸپ, بانكروتتىق رەسٸمٸن باستاۋعا ۇسىنىس بەرەدٸ.
ونىڭ ايتۋىنشا, قازٸرگٸ تاڭدا مۇنداي رەسٸمگە ٶز ەركٸمەن جٷگٸنەتٸن ازاماتتار سانى از, سوندىقتان جاڭا تەسٸل ازاماتتارعا پروتسەستٸ جەڭٸلدەتۋگە باعىتتالعان.
