Foto: fingramota.kz
Kreditti tekserýsiz esepten shyǵarý tártibiniń jańa sharttaryn Qarjy naryǵyn retteý jáne damytý agenttigi tóraǵasy Mádina Ábilqasymova túsindirdi, dep habarlaidy Ult.kz.
Qoldanystaǵy erejege sáikes, merzimi ótip ketken kreditti esepten shyǵarý úshin eki negizgi talap bar. Birinshisi – boryshkerdiń ai saiynǵy tabysy 2 eń tómengi jalaqydan aspaýy tiis (2026 jyly bul shamamen 170 myń teńge). Ekinshisi – onyń atyna tirkelgen múliktiń bolmaýy qajet.
Alaida qaryzdyń tóleý merzimi 5 jyldan asyp ketken jaǵdaida bul talaptar qoldanylmaidy. Iaǵni azamat tek ótinish berse jetkilikti, tabys pen múlikke qosymsha tekseris júrgizilmei, kreditti esepten shyǵarý múmkindigi qarastyrylady.
«Eger qaryz 5 jyldan assa, azamat eki shartqa sai bolýy mindetti emes. Ótinish berse boldy, kredit esepten shyǵarylýy múmkin. Tabys pen múlik te tekserilmeidi», – dedi Ábilqasymova Májilistegi brifingte.
Sonymen qatar agenttik basshysy proaktivti bankrottyq tetigi engizilip jatqanyn da atap ótti. Bul júie iske qosylǵan jaǵdaida, bankrot bolýǵa úmitker azamattarǵa memlekettik organdar SMS-habarlama jiberip, bankrottyq rásimin bastaýǵa usynys beredi.
Onyń aitýynsha, qazirgi tańda mundai rásimge óz erkimen júginetin azamattar sany az, sondyqtan jańa tásil azamattarǵa protsesti jeńildetýge baǵyttalǵan.
