بٷگٸن جامبىل وبلىسىندا كٶپتەن كٷتكەن كەرەمەت پوەزييا مەرەكەسٸ مەرەسٸنە جەتتٸ. اتاپ ايتقاندا, تاراز قالاسىنداعى «تٶرتكٷل» مەدەني كەشەنٸندە رەسپۋبليكاعا تانىمال جاس اقىنداردىڭ قاتىسۋىمەن «جامبىلدىڭ جىر قاعانى-2018» پوەتيكالىق دۋەلٸ ٶتتٸ.
ايتا كەتۋ كەرەك, بۇل شارا قازاقستان جازۋشىلار وداعىنىڭ باستاماسىمەن قولعا الىنعان بولاتىن. العاشقى پوەزييالىق كەش الماتى قالاسىندا ٶتٸپ, ارتىنشا اقىندار قاراعاندى وبلىسىندا باس قوسقان-دى. ەندٸ مٸنە, ٷشٸنشٸ ايماق بولىپ قاسيەتتٸ ەۋليەاتا ٶڭٸرٸ شايىرلاردىڭ شابىتىن شارىقتاتىپ وتىر. جامبىل جەرٸندەگٸ پوەتيكالىق دۋەل «قازفوسفات» جشس باس ديرەكتورى, قازاقستاننىڭ ەڭبەك ەرٸ مۇقاش ەسكەندٸروۆتىڭ جەكە دەمەۋشٸلٸگٸمەن, وبلىس ەكٸمدٸگٸ مەدەنيەت, ارحيۆتەر جەنە قۇجاتتاما, جاستار ساياساتى مەسەلەلەرٸ باسقارمالارىنىڭ, وبلىستىق كەسٸپوداقتار بٸرلەستٸگٸنٸڭ قولداۋىمەن ۇيىمداستىرىلدى.
-جامبىل جەرٸ جاس تالانتتارعا كەندە ەمەس. پوەتيكالىق دۋەلدٸ ۇيىمداستىرۋداعى باستى ماقسات-قازٸرگٸ قازاق پوەزيياسىنداعى جاستار شىعارماشىلىعىنا كٶپشٸلٸكتٸڭ نازارىن اۋدارۋ. سول ارقىلى تالانتتى زامانداستارىمىزدىڭ تانىلۋىنا, شىعارماشىلىعىن دامىتۋعا جول اشۋ كٶزدەلۋدە. ودان بٶلەك رەسپۋبليكامىزدىڭ ەر ايماعىنان كەلگەن جاس اقىنداردىڭ باسىن قوسىپ, ەركٸن پٸكٸر الماسۋدامىز,-دەيدٸ ۇيىمداستىرۋ شارالارىنىڭ باسى-قاسىندا جٷرگەن جاس اقىن نۇربولات ساتىمقۇل.
پوەتيكالىق دۋەلدٸڭ «تٶرتكٷل» مەدەني كەشەنٸندە ٶتكٸزٸلۋٸ دە تەگٸن ەمەس. ۇلى جٸبەك جولىنىڭ باتىس قاقپاسى سانالعان كەشەن قاز-قالپىندا ساقتالعان. شارا بارىسىندا ەلٸمٸزدٸڭ تٷكپٸر-تٷكپٸرٸنەن كەلگەن قوناقتار جاۋھار جەدٸگەرلەردٸ تاماشالاپ, تارازدىڭ تالايلى تاريحىمەن تەرەڭٸرەك تانىستى. سونىمەن قاتار جامبىل جەرٸنٸڭ جەزتاڭداي ەنشٸلەرٸ ٶنەر كٶرسەتٸپ, زييالى قاۋىم ٶكٸلدەرٸ قازٸرگٸ قازاق ەدەبيەتٸ تٶڭٸرەگٸندە وي قوزعادى.
ال, جىر سايىسىندا ەرنار ەبدٸرازاق, ەلٸمجان شٶڭگەرباي, ارايلى جاقسىلىق, نازەركە وڭعار, قۇربانەلٸ شاحاباي, نۇربولات جولداسبەك, بەكسۇلتان قوشتاەۆ, مٶلدٸر رايىمبەكوۆا, شاپاعات ەبدٸرۇلى, جۇماتاي كٶكسۋبايۇلى باق سىناپ, ٶرنەكتٸ ٶلەڭدەرٸن وقىدى. دەگەنمەن, قازىلار القاسىنىڭ ورتاق شەشٸمٸمەن جاسىن-جىرلارىمەن جۇرتشىلىقتى تەنتٸ ەتكەن تارازدىق تالانت نۇربولات جولداسبەك ەشكٸمگە دەس بەرمەي, «جامبىلدىڭ جىر قاعانى-2018» اتاندى. جەڭٸمپازعا 400 مىڭ تەڭگە كٶلەمٸندەگٸ اقشالاي سىيلىق سالتاناتتى تٷردە تابىس ەتٸلدٸ. سونىمەن قاتار شارادا ٶمٸرٸن ٶلەڭمەن ٶرنەكتەپ, سوڭىنا ٶلمەيتۇعىن سٶز قالدىرعان قازاقتىڭ تالانتتى اقىندارى ارتىعالي ىبىراەۆ, باۋىرجان ٷسەنوۆ, سەرٸك تومانوۆ, ٶرنەك قۇلەكەەۆ اتىنداعى سىيلىقتاردىڭ يەگەرلەرٸ انىقتالدى. بۇل تۇرعىدا دارىنىمەن دارالانعان ەلٸمجان شٶڭگەرباي, شاپاعات ەبدٸر, ەرنار ەبدٸرازاق, ارايلى جاقسىلىقتىڭ مەرەيٸ ٷستەم بولىپ, ەرقايسىسىنا 100 000 تەڭگە كٶلەمٸندەگٸ اقشالاي سىيلىقتار تاپسىرىلدى.
ايتقانداي, جاس شايىرلار تەبٸرەنە جىر وقىعان كەشتە كٶك جٷزٸن بۇلت تورلاپ, نٶسەر جاۋىن تٶگٸپ سالدى. وسىلايشا تالانتتار مەن تابيعات ورتاق تٸل تابىسقانداي ەسەر قالدىردى. كەلەسٸ پوەتيكالىق دۋەل شىعىس قازاقستان وبلىسىندا ٶتەتٸن بولادى.
باقىت ەمەدييا
