جامبىل وبلىسىندا ەر ادام ٶزٸنە وق اتقانداردىڭ ارتىنان كٶلٸكپەن قۋىپ, جول اپاتىن جاسادى. بٸر ادام قازا بولدى, دەپ حابارلايدى "ۇلت اقپارات".
9 ماۋسىم كٷنٸ كەشكە مەركٸ اۋداندىق پوليتسييا بٶلٸمٸنە جەرگٸلٸكتٸ تۇرعىن xابارلاسىپ, بەلگٸسٸز ادامدار ولاردىڭ فازەنداسىنا كەلٸپ, بٸرەۋٸ اعاسىنا وق اتقانى تۋرالى ايتقان.
پوليتسەيلەر وقيعا ورنىنا كەلگەن سوڭ شارۋا قوجالىعىنىڭ يەسٸ مەن جەرگٸلٸكتٸ ٷش تۇرعىننىڭ اراسىندا جانجال تۋىنداعانى, ونىڭ بارىسىندا ەر ادامداردىڭ بٸرٸ فازەندا يەسٸنە تەگٸس ۇڭعىلى مىلتىقتان وق اتىپ كەتكەنٸ انىقتالعان.
«جاراقات العان ەر ادام ولاردى ٶز كٶلٸگٸمەن قۋعان, سوقتىعىسۋ بارىسىندا ەكٸنشٸ كٶلٸكتٸڭ جٷرگٸزۋشٸسٸ جول-كٶلٸك وقيعاسى ورنىندا كٶز جۇمىپ, جولاۋشىسى جاراقاتتانعان. اياعى مەن قولىنان بىتىرا وعىنان جاراقات العان ەر ادام مەركٸ اۋىلىنداعى اۋداندىق ورتالىق اۋرۋحاناعا جاتقىزىلدى»,-دەلٸنگەن وبلىستىق پوليتسييا دەپارتامەنتٸنٸڭ حابارلاماسىندا.
وبلىستىق پوليتسييا دەپارتامەنتٸنٸڭ باستىعى جانات سٷلەيمەنوۆ قازٸرگٸ ۋاقىتتا اتالعان وقيعانىڭ بارلىق قاتىسۋشىلارى ۇستالعانىن, سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتقانىن اتاپ ٶتتٸ.
قاجەتتٸ ساراپتامالار تاعايىندالدى. ٸستٸڭ مەن-جايى انىقتالۋدا.
