Jambyl oblysynda er adam ózine oq atqandardyń artynan kólikpen qýyp, jol apatyn jasady. Bir adam qaza boldy, dep habarlaidy "Ult aqparat".
9 maýsym kúni keshke Merki aýdandyq politsiia bólimine jergilikti turǵyn xabarlasyp, belgisiz adamdar olardyń fazendasyna kelip, bireýi aǵasyna oq atqany týraly aitqan.
Politseiler oqiǵa ornyna kelgen soń sharýa qojalyǵynyń iesi men jergilikti úsh turǵynnyń arasynda janjal týyndaǵany, onyń barysynda er adamdardyń biri fazenda iesine tegis uńǵyly myltyqtan oq atyp ketkeni anyqtalǵan.
«Jaraqat alǵan er adam olardy óz kóligimen qýǵan, soqtyǵysý barysynda ekinshi kóliktiń júrgizýshisi jol-kólik oqiǵasy ornynda kóz jumyp, jolaýshysy jaraqattanǵan. Aiaǵy men qolynan bytyra oǵynan jaraqat alǵan er adam Merki aýylyndaǵy aýdandyq ortalyq aýrýhanaǵa jatqyzyldy»,-delingen oblystyq Politsiia departamentiniń habarlamasynda.
Oblystyq Politsiia departamentiniń bastyǵy Janat Súleimenov qazirgi ýaqytta atalǵan oqiǵanyń barlyq qatysýshylary ustalǵanyn, sotqa deiingi tergep-tekserý amaldary júrgizilip jatqanyn atap ótti.
Qajetti saraptamalar taǵaiyndaldy. Istiń mán-jaiy anyqtalýda.
