جامبىل وبلىسىندا ازىق-تٷلٸك باعالارى باسقا ٶڭٸرلەرمەن سالىستىرعاندا تٶمەن, دەپ حابارلايدى "ۇلت اقپارات".
مەسەلەن, وبلىستاعى ەلەۋمەتتٸك 4 تاۋار — نان, سٷت, پيياز, قانت باعاسى رەسپۋبليكا بويىنشا ەڭ تٶمەنگٸ دەڭگەيدە. تاعى 4 تاۋار كٷنباعىس مايى, سارى ماي, ايران, قۇس ەتٸ تٶمەنگٸ ٷشتٸكتە. قالعان تاۋارلار ورتاڭعى دەڭگەيدە قالىپتاسىپ, باعاسى جوعارى تاۋارلار تٸركەلمەگەن. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن بريفينگ بارىسىندا وبلىستىق اۋىل شارۋاشىلىعى باسقارماسىنىڭ باسشىسى قايرات امانوۆ ايتتى.
ول الداعى ۋاقىتتا باعانىڭ بٸرقالىپتى بولۋىنا تۇراقتاندىرۋ قورىنداعى تاۋارلاردىڭ جەتكٸلٸكتٸ مٶلشەرٸ ەسەر ەتپەك دەيدٸ. مەسەلەن, قازٸر قوردا 3-6 ايعا جەتكٸلٸكتٸ ازىق-تٷلٸك بار. ولاردىڭ قاتارىندا 444 توننا قانت, 173 مىڭ دانا جۇمىرتقا, 53 توننا قاراقۇمىق, 1500 توننا ۇن, 181 توننا كٷنباعىس مايى بار. بۇدان ٶزگە جالپى 11 اتاۋلى تاۋارلاردىڭ 3 382 توننا قورى جيناقتالعان.
ايماقتا اعىمداعى جىلدىڭ باسىنان قور ارقىلى 1202 توننا تاۋارلار بەرٸلگەن. بۇل ٶتكەن جىلمەن سالىستىرعاندا 3,4 ەسەگە ارتىق. بىلتىرعى كٶلەم 349 توننا بولاتىن. ٶتكەرٸلگەن تاۋارلاردىڭ 300,3 تونناسى ەلەۋمەتتٸك دٷكەندەرگە, 320 تونناسى اۋداندار مەن ٸرٸ ساۋدا ورىندارىنا, 581 تونناسى نان باعاسىن تۇراقتاندىرۋعا ۇن كٷيٸندە جٸبەرٸلگەن.
«ماۋسىم ارالىق كەزەڭدە كٶكٶنٸس باعالارىن تۇراقتاندىرۋ ماقساتىندا تٷركٸستان وبلىسىنان 15 مامىرعا دەيٸن ٷش جاقتى جەتكٸزۋ كەلٸسٸمٸ نەگٸزٸندە قىرىققابات 55 تەڭگەدەن, وبلىستىڭ جەرگٸلٸكتٸ ٶندٸرۋشٸلەرٸنەن سەبٸز 100 تەڭگەدەن, پيياز 30 تەڭگەدەن, كارتوپ 100 تەڭگەدەن ٸرٸ 7 ساۋدا جەلٸلەرٸنە تٸكەلەي جەتكٸزٸلۋدە. بٶلشەك ساۋدادا قوسىلاتىن ٷستەمە اقىنى 5-15 تەڭگەدەن اسىرماۋ جٶنٸندە كەلٸسٸمدەر جاسالدى. نەتيجەسٸندە, وسى اپتادا قىرىققابات 3,2%, پيياز 2,7%, كارتوپ 1,6% تٶمەندەدٸ»,-دەدٸ ق. امانوۆ.
تۇراقتاندىرۋ تەتٸكتەرٸنٸڭ ەكٸنشٸ جاڭادان ٸسكە قوسىلعان باعىتى «اينالىم سحەماسى». بۇل بويىنشا جىل باسىندا بٶلٸنگەن 632 ملن. تەڭگەگە قوسىمشا 168 ملن. تەڭگە باعىتتالىپ, جالپى 800 ملن. تەڭگەنٸ قۇرايتىن بولادى. ايتا كەتۋ كەرەك, جىل باسىنان بەرٸ وبلىستا 31 اۋىل شارۋاشىلىعى جەرمەڭكەلەرٸ ٶتتٸ. ونىڭ 12 وبلىستىق, 19 اۋداندىق دەڭگەيدە ٶتكٸزٸلٸپ, جالپى قۇنى 157,5 ملن. تەڭگەنٸ قۇرايتىن, 691 توننا ٶنٸمدەر نارىقتان 8-20% تٶمەن باعادان ساتىلعان.
