فوتو: اشىق دەرەككٶزدەن
جامبىل وبلىسىنىڭ قورداي اۋدانىندا شەنەۋنٸكتەر ەلەۋمەتتٸك وسال توپتارعا كوممۋنالدىق تٶلەمٸن تٶلەۋ ٷشٸن بٶلٸنگەن قارجىنىڭ 21 ملن 600 مىڭ تەڭگەسٸن قالتاسىنا باسقان, دەپ حابارلايدى قازاقپارات.
سوت ٷكٸمٸمەن وسى قىلمىسقا بارعان مەملەكەتتٸك قىزمەتشٸلەر 3 جىلدان 7 جىلعا دەيٸن باس بوستاندىعىنان ايىرىلدى.
«قورداي اۋدانى ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسشىسى 3 جىل 6 ايعا, وسى بٶلٸمنٸڭ سەكتور مەڭگەرۋشٸسٸ 7 جىلعا, مامان - 3 جىل 6 ايعا, تاعى دا وسى بٶلٸمدە كەلٸسٸمشارتپەن جۇمىس ٸستەگەن مامان 7 جىلعا سوتتالدى. سونداي-اق بٸر كەسٸپكەر سوت ٷكٸمٸمەن 3 جىل 6 ايعا باس بوستاندىعىنان ايىرىلدى», - دەدٸ قورداي اۋدانى پروكۋرورىنىڭ ورىنباسارى قايسار بەكمۇراتوۆ قازاقپارات تٸلشٸسٸنە.
پروكۋرورلار تەكسەرٸسٸ كٶرسەتكەندەي, 2020 جىلعى پاندەمييا كەزٸندە مەملەكەتتٸك بيۋدجەتتەن 26 ملن تەڭگە بٶلٸنگەن.
بۇل سوما ەلەۋمەتتٸك وسال توپقا جاتاتىن تۇرعىنداردىڭ كوممۋنالدىق شىعىنىن ٶتەۋگە باعىتتالعان بولاتىن.
پروكۋراتۋرا مەلٸمەتٸنشە, قورداي اۋدانى ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسشىسى, 3 قىزمەتكەرٸ جەنە بٸر كەسٸپكەر قىلمىستىق توپ قۇرىپ, الدىن الا سٶز بايلاسۋ ارقىلى بٶلٸنگەن قاراجاتتى تالان-تاراجعا سالعان.
وسىلايشا جەرگٸلٸكتٸ تۇرعىندار ٷشٸن اۋىر ۋاقىتتا مەملەكەتتەن بٶلٸنگەن قاراجات مۇقتاج ازاماتتاردىڭ قالتاسىنا جەتپەي جىمقىرىلعان.
اتالعان فاكتٸ بويىنشا قورداي اۋدانى پروكۋراتۋراسى قىلمىستىق كودەكستٸڭ 189-بابى 4-بٶلٸگٸ 2-تارماقشاسى بويىنشا سوتقا دەيٸنگٸ تەرگەۋ جٷرگٸزدٸ.
«نەتيجەسٸندە اۋداندىق سوتتىڭ ٷكٸمٸمەن قىلمىسكەرلەردٸڭ كٸنەسٸ تولىق دەلەلدەندٸ. بٷگٸنگٸ تاڭدا مەملەكەتكە 18,8 ملن تەڭگە قاراجات قايتارىلدى», - دەپ تولىقتىردى اۋدان پروكۋرورىنىڭ ورىنباسارى قايسار بەكمۇراتوۆ.
