جامبىل وبلىسىندا مالشىعا كٷش قولدانىپ, تٶرت قويدى الىپ كەتكەن ٷش جٸگٸت انىقتالدى, - دەپ حابارلايدى "ۇلت اقپارات".
جۋالى اۋداندىق پوليتسييا بٶلٸمٸنە 30 جاستاعى قاراباستاۋ اۋىلىنىڭ تۇرعىنى xابارلاسىپ, اۋىل ماڭىنداعى جايىلىمدا 61 جاستاعى مالشىعا بەلگٸسٸز ٷش ادامنىڭ كٷش قولدانىپ, تٶرت باس قويدى الىپ كەتكەنٸ تۋرالى ارىز جازعان. بۇل تۋرالى وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
«جەبٸرلەنۋشٸگە جالپى قۇنى 240 000 تەڭگە شاماسىندا ماتەريالدىق شىعىن كەلتٸرٸلگەن. اتالعان دەرەك بويىنشا قر قك-نٸڭ 19-بابىمەن (توناۋ) سوتقا دەيٸنگٸ تەرگەپ-تەكسەرۋ باستالدى»,-دەلٸنگەن ۆەدومستۆو حابارلاماسىندا.
جەدەل-ٸزدەستٸرۋ ٸس-شارالارىن جٷرگٸزۋ بارىسىندا پوليتسييا قىزمەتكەرلەرٸ 20-22 جاس ارالىعىنداعى كٷدٸكتٸلەردٸ انىقتاپ, ۇستادى. ولار ٶز كٸنەسٸن مويىندادى. قازٸرگٸ ۋاقىتتا قىلمىستىق ٸس بويىنشا تەرگەۋ امالدارى جٷرگٸزٸلۋدە.
