جامبىل وبلىسىنىڭ جەرٸ مىڭ گەكتاردان استام اۋماققا ۇلعايدى, دەپ حابارلايدى "ۇلت اقپارات".
ٷكٸمەت باسشىسى اسقار ماميننٸڭ قاۋلىسىمەن الماتى وبلىسىنداعى جامبىل اۋدانىنىڭ مىڭ گەكتاردان استام جەرٸ قورداي اۋدانىنا قوسىلدى. مۇنداي قاجەتتٸلٸك تۇرعىنداردىڭ ۇزاق جىلدان بەرگٸ ٶتٸنٸشتەرٸنەن كەيٸن تۋىنداعان. بۇعان دەيٸن جەرگٸلٸكتٸ جۇرت قۇجاتتارىن رەسٸمدەۋ, مەملەكەتتٸك قىزمەت تٷرلەرٸن الۋ ٷشٸن 150 شاقىرىم جەردەگٸ اۋدان ورتالىعىنا بارۋعا مەجبٷر بولعان. ال حالىقتىڭ جٷرٸپ-تۇرۋىنا الماتى وبلىسىنان گٶرٸ 70 شاقىرىم جەردەگٸ جامبىلدىڭ قورداي اۋدانى ىڭعايلى. بۇل مەسەلە قوس وبلىستىڭ ەكٸمدٸكتەرٸ مەن مەسليحات جەنە مەجٸلٸس دەپۋتاتتارىمەن قارالىپ, قولداۋ تاپقان.
«قورداي اۋدانىنداعى وتار اۋىلىنا قاراستى گۆاردەيسكيي ەسكەري قالاشىعىنىڭ تاپ ٸرگەسٸندە «ۆوەنسوۆحوز» اتالىپ كەتكەن ەلدٸمەكەن بار. سول ەلدٸمەكەننٸڭ جارتىسى الماتى وبلىسىندا قالىپ قالعان. قازٸر سول ەلدٸمەكەندەردٸ وتارعا, جامبىل وبلىسىنا قوستىق. ەندٸ مۇنداعى جۇرت شارۋاسىن بٸتٸرۋ ٷشٸن 150 شاقىرىم جەردەگٸ ۇزىناعاشقا سابىلماي, يەك استىنداعى قوردايعا بارا سالادى. قازٸر ەكٸ وبلىس ەكٸمدٸگٸ تيٸستٸ قۇجاتتاردى ەزٸرلەپ جاتىر. بۇل شارا بٸر ايدىڭ ٸشٸندە اياقتالۋى تيٸس,-دەيدٸ وبلىستىق جەر قاتىناستارى باسقارماسىنىڭ بٶلٸم باسشىسى ايدار تەجٸكوۆ.
ايتا كەتەيٸك, جامبىل وبلىسىنىڭ قاراماعىنا 1090 گەكتار القاپ مٷلكٸمەن كٶشتٸ. ونىڭ ٸشٸندە وتارداعى «گۆاردەيسكيي» ەسكەري گارنيزونى, وقۋ-جاتتىعۋ پوليگونى, بيولوگييالىق قاۋٸپسٸزدٸك پوبلەمالارىنىڭ عىلىمي-زەرتەۋ ينستيتۋتىنىڭ عيماراتى جەنە بٸرنەشە كەسٸپكەرلٸك نىساندار بار.
