جامبىل وبلىسىنىڭ بايزاق اۋدانىنداعى وق-دەرٸلەر قويماسىنان شىققان ٶرتتٸ سٶندٸرۋ كەزٸندە جاراقات العان ەسكەري قىزمەتشٸ ەرلان قىرعىزەليەۆ قايتىس بولدى, دەپ حابارلادى قورعانىس مينيسترلٸگٸنٸڭ باسپاسٶز قىزمەتٸ.
"7 قىركٷيەكتە تاراز قالالىق اۋرۋحاناسىندا 26 تامىزدا جامبىل وبلىسىنداعى وق-دەرٸلەر قويماسىندا بولعان ٶرتتٸ سٶندٸرۋ كەزٸندە العان جاراقاتتارىنىڭ سالدارىنان 28349 ەسكەري بٶلٸمٸنٸڭ ەسكەري قىزمەتشٸسٸ 1983 جىلى تۋعان كاپيتان ەرلان رىسقۇلبەكۇلى قىرعىزەليەۆ قايتىس بولدى", - دەلٸنگەن حابارلامادا.
ول وق-دەرٸلەردٸ ساقتاۋ بٶلٸمٸنٸڭ باستىعى لاۋازىمىن اتقارعان. قويماداعى ٶرتتٸ جويۋعا كٸرٸسكەن العاشقىلاردىڭ بٸرٸ بولدى.
Cونىمەن جامبىل وبلىسى بايزاق اۋدانىنداعى ەسكەري بٶلٸمنٸڭ وق-دەرٸ قويماسىنداعى جارىلىستان كٶز جۇمعاندار سانى 16 بولدى, تاعى بٸر ادام ٸزدەستٸرٸلٸپ جاتىر.
قورعانىس مينيسترلٸگٸ جەنە ۇلت پورتالىنىڭ رەداكتسيياسى مارقۇمنىڭ تۋىستارى مەن جاقىندارىنا قايعىرىپ كٶڭٸل ايتادى.
