Jambyl oblysynyń Baizaq aýdanyndaǵy oq-dáriler qoimasynan shyqqan órtti sóndirý kezinde jaraqat alǵan áskeri qyzmetshi Erlan Qyrǵyzáliev qaitys boldy, dep habarlady qorǵanys ministrliginiń baspasóz qyzmeti.
"7 qyrkúiekte Taraz qalalyq aýrýhanasynda 26 tamyzda Jambyl oblysyndaǵy oq-dáriler qoimasynda bolǵan órtti sóndirý kezinde alǵan jaraqattarynyń saldarynan 28349 áskeri bóliminiń áskeri qyzmetshisi 1983 jyly týǵan kapitan Erlan Rysqulbekuly Qyrǵyzáliev qaitys boldy", - delingen habarlamada.
Ol oq-dárilerdi saqtaý bóliminiń bastyǵy laýazymyn atqarǵan. Qoimadaǵy órtti joiýǵa kirisken alǵashqylardyń biri boldy.
Conymen Jambyl oblysy Baizaq aýdanyndaǵy áskeri bólimniń oq-dári qoimasyndaǵy jarylystan kóz jumǵandar sany 16 boldy, taǵy bir adam izdestirilip jatyr.
Qorǵanys ministrligi jáne Ult portalynyń redaktsiiasy marqumnyń týystary men jaqyndaryna qaiǵyryp kóńil aitady.
