جامبىل وبلىستىق پوليتسييا دەپارتامەنتٸنٸڭ پوليتسييا قىزمەتكەرلەرٸ جوعالىپ كەتكەن 15 جاستاعى جاسٶسپٸرٸم قىزدى تاپتى, - دەپ حابارلايدى "ۇلت اقپارات".
ەسكە سالا كەتەيٸك, وسىدان ٷش كٷن بۇرىن ت.رىسقۇلوۆ اۋدانى قۇلان اۋىلىنداعى 15 جاسار قىزدىڭ ٷيٸنەن تاڭەرتەڭ بەلگٸسٸز باعىتتا شىعىپ كەتٸپ, قايتا ورالماعاندىعى تۋرالى حابارلانعان بولاتىن. جاسٶسپٸرٸمنٸڭ اقىل-ويى ارتتا قالعان جەنە ٷيدەن وقىتىلاتىن بولعان.
پوليتسييا قىزمەتكەرلەرٸ بالانى ٸزدەۋ بويىنشا دەرەۋ شارالار قابىلداپ, وعان ەرٸكتٸلەر دە جۇمىلدىرىلعان. ولار قىزدى 3 كٷن بويى ٸزدەگەن.
اۋىل جەنە جاقىن اۋدانداردىڭ تۇرعىندارى اراسىندا ساۋالناما الىنىپ, جاسٶسپٸرٸمنٸڭ قۇرداستارىمەن جەنە سىنىپتاستارىمەن ەڭگٸمە جٷرگٸزٸلگەن. ت.رىسقۇلوۆ اۋداندىق پوليتسييا بٶلٸمٸندە جوعالىپ كەتكەن قىزعا قاتىستى سوتقا دەيٸنگٸ تەرگەۋ باستالعان. قابىلدانعان شارالار نەتيجەسٸندە قىز جامبىل اۋدانى ايشا بيبٸ اۋىلىنان تابىلدى.
بالانىڭ ايتۋىنشا, ول ەجەسٸنە رەنجٸپ, تاراز قالاسىنداعى ەپكەلەرٸنە بارعان. جانجالدان كەيٸن بويجەتكەن ۆوكزال ايماعىنا بارىپ, ٶتٸپ بارا جاتقان كٶلٸكتەردەن ونى قالاعا جەتكٸزۋٸن ٶتٸنگەن. تارازعا جەتكەندە ەپكەلەرٸنٸڭ ٷيٸندە جوق ەكەنٸنە كٶز جەتكٸزگەن. ەلەۋمەتتٸك جەلٸ ارقىلى تانىسىنا حابارلاسىپ, جامبىل وبلىسىنىڭ ايشا بيبٸ اۋىلىنا بارىپ, سوندا 3 كٷن تۇراقتاعان. ونى پوليتسييا قىزمەتكەرلەرٸ تاۋىپ, اتا-اناسىنا جەتكٸزدٸ.
«بٷگٸندە جوعالىپ تابىلعان جاسٶسپٸرٸمنٸڭ ٶمٸرٸ مەن دەنساۋلىعىنا ەشقانداي قاۋٸپ تٶنٸپ تۇرعان جوق», - دەلٸنگەن حابارلامادا.
