جامبىل وبلىسىنىڭ پوليتسەيلەرٸ بورىشكەرلەردەن ٷش كٷندە مەملەكەت كٸرٸسٸنە 22,5 ميلليوننان استام تەڭگە ٶندٸرٸپ الدى, دەپ حابارلايدى "ۇلت اقپارات".
جامبىل وبلىسىنىڭ اۋماعىندا «بورىشكەر-2020» جەدەل الدىن الۋ ٸس-شاراسى ٶتتٸ. شارا سالىنعان ەكٸمشٸلٸك ايىپپۇلداردى ۋاقتىلى ٶتەۋ قاجەتتٸلٸگٸ تۋرالى حالىقتى حاباردار ەتۋ ماقساتىنا نەگٸزدەلدٸ.
جولدارداعى رەيدتەر كەزٸندە پوليتسييا قىزمەتكەرلەرٸ ارنايى اۆتوكٶلٸكتەردە ورناتىلعان «اۆتوۋراگان» جٷيەلەرٸنٸڭ كٶمەگٸمەن تيٸستٸ دەرەكتەر بازاسى بويىنشا جٷرگٸزۋشٸلەردٸ تەكسەردٸ.
«ايىپپۇلدى قاساقانا تٶلەمەۋشٸلەرگە قاتىستى قر ەقبتك-نٸڭ 669-بابى بويىنشا ەكٸمشٸلٸك حاتتامالار جاسالدى. جەدەل-الدىن الۋ ٸس-شاراسىنىڭ نەتيجەلەرٸ بويىنشا بورىشكەرلەردەن ٶندٸرٸپ الىنعان سومما 22 ميلليون 636 مىڭ تەڭگەنٸ قۇرادى. سوت ورىنداۋشىلارىنىڭ قاۋلىلارى بويىنشا 81 اۆتوكٶلٸك قۇرالى ارنايى تۇراققا ورنالاستىرىلدى», - دەلٸنگەن وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
جامبىل وبلىسىنىڭ پوليتسييا دەپارتامەنتٸ ەكٸمشٸلٸك ايىپپۇل سالىنعان جاعدايدا, جەتٸ تەۋلٸك ٸشٸندە كٶرسەتٸلگەن سومانىڭ 50 پايىزىن تٶلەۋگە بولاتىنىن, ال بۇل مەرزٸم ٶتٸپ كەتسە ايىپپۇلدى تولىق كٶلەمدە تٶلەيتٸنٸن ەسكە سالدى.
