جامبىل وبلىسى تالاس اۋدانىندا قاسقابۇلاق اۋىلى بار. بۇل اۋىلدا قازٸرگٸ تاڭدا ەشقانداي ٸشٸمدٸك تٷرٸ ساتىلمايدى, دەپ حابارلايدى "ۇلت اقپارات".
اتالعان شاعىن اۋىلدا 1937 جىلدان بەرٸ كٷردٸ دياسپوراسى توپتاسىپ تٸرشٸلٸك كەشۋدە. ولار نەگٸزٸنەن مال شارۋاشىلىعىمەن اينالىسادى. ايتا كەتۋ كەرەك, بۇل اۋىلدىڭ ٶزٸندٸك ەرەكشەلٸگٸ بار. ول – سوڭعى جىلدارى ەلدٸ مەكەندە بٸردە-بٸر قىلمىستىڭ ورىن الماعاندىعى, اتاۋلى ەلەۋمەتتٸك كٶمەك الۋشىلاردىڭ تٸركەلمەگەندٸگٸ, اۋىل دٷكەندەرٸندە ٸشٸمدٸك ساتىلمايتىندىعى دەسەك بولادى.
قاسقابۇلاقتىقتار باستاماشىل ەرٸ ەڭبەككە بەيٸم. اۋىلدا مىڭعا جۋىق حالىق تۋرادى. ونداعى ەر وتباسىدا شامامەن 5-6 بالادان بار دەسەك, اۋىل تۇرعىندارىنىڭ دەنٸ جاستار. بۇل تۋرالى جۋىردا وبلىس ەكٸمٸ بەردٸبەك ساپارباەۆ اۋدانعا جۇمىس ساپارى بارىسىندا اتالعان اۋىلدىڭ تۇرعىندارىمەن كەزدەسۋدە بەلگٸلٸ بولعان.
بەردٸبەك ساپارباەۆ اۋىلداعى 2018 جىلى پايدالانۋعا بەرٸلگەن, بٷگٸندە 135 وقۋشى بٸلٸم الاتىن ورتا مەكتەپتٸڭ جۇمىسىمەن تانىسىپ, جەرگٸلٸكتٸ كلۋبتا اۋىل تۇرعىندارىمەن كەزدەسكەن بولاتىن.
«بٸز بەرٸمٸز – قازاقستان رەسپۋبليكاسىنىڭ ازاماتتارىمىز. تالاي سىندارلى كەزەڭدەردٸ بٸرگە كەشٸپ, سوعىس جىلدارىنداعى اۋىر سەتتەردٸ بٸرگە ەڭسەردٸك. بٷگٸندە بٸزدٸڭ باستى بايلىعىمىز – قوعامداعى بەيبٸتشٸلٸك پەن بەرٸك دوستىعىمىز ەكەنٸندٸگٸنە ەشكٸم كٷمەن كەلتٸرە المايدى. وسى ورايدا ٶسكەلەڭ ۇرپاقتى ۇلتتىق بولمىس پەن ٷلكەندەردٸ قۇرمەتتەۋ سەكٸلدٸ اسىل قاسيەتتەر اياسىندا تەربيەلەۋگە اسا كٶڭٸل بٶلۋ قاجەت», - دەپ اتاپ ٶتكەن ەدٸ ايماق باسشىسى.
