فوتو: Pexels.com
جامبىل وبلىسى, شۋ اۋداندىق ورتالىق اۋرۋحاناسىنداعى انا مەن بالا ٶلٸمٸنەن كەيٸن جاۋاپتىلار جازالاندى, دەپ حابارلايدى Ult.kz.
ارنايى كوميسسييا «جٷكتٸ ەيەل دەرٸگەرلەردٸڭ قاتەلٸگٸنەن قايتىس بولدى» دەگەن قورىتىندى شىعارعان. اۋداندىق اۋرۋحانانىڭ باس دەرٸگەرٸ مەن بوساندىرۋ بٶلٸمٸنٸڭ باسشىسى قىزمەتٸنەن بوساتىلدى. ال وبلىستىق باسقارما باسشىسى جەنە انا مەن بالا دەنساۋلىعىن قورعاۋ بٶلٸمٸنٸڭ باسشىسىنا قاتاڭ سٶگٸس بەرٸلدٸ.
ماماندار مارقۇم ەدەمٸ ەشەناليەۆانىڭ ٸسٸك دەرەجەسٸن باعامداماي, زەر مٶلشەرٸنٸڭ شامادان تىس تٶمەندەگەنٸن نازارعا الماعان. سالدارىنان جٷكتٸ كەلٸنشەكتٸڭ قان قىسىمى 170-كە جەتٸپ, ەسٸن جوعالتقان. سول سەتتە قۇرساقتاعى بالاسى شەتٸنەپ كەتكەن. ٶزٸ دە 12 كٷن جانساقتاۋ بٶلٸمٸندە جاتىپ قازا بولدى.
"دەرٸگەرلەر ونى تەكسەرٸپ, كونسيلييۋم جاساپ, III دەرەجەگە وبلىستىق پەرەنەتالدىق ورتالىققا جٸبەرۋ كەرەك ەدٸ. ول بٸرٸنشٸ دەرەجەدە قالىپ قويعان. بٸزدٸڭ وبلىستىق كوميسسييانىڭ جۇمىسى اياقتالدى. ەندٸ ەرٸ قاراي بٸزدٸڭ مينيسترلٸك وسى مەسەلەنٸ قارايدى", - دەدٸ وبلىستىق دەنساۋلىق ساقتاۋ باسقارماسى باسشىسى ورىنباسارىنىڭ مٸندەتٸن اتقارۋشى قاراكٶز ساعىنعاليەۆا.
وسى قايعىلى وقيعاعا بايلانىستى جامبىل وبلىسىنىڭ ٶڭٸرلٸك دەنساۋلىق ساقتاۋ سالاسىنىڭ ماماندارى ارنايى كەڭەس ٶتكٸزدٸ. كەڭەسكە وبلىس ەكٸمٸنٸڭ ورىنباسارى سەرٸك سەلەموۆ تٶراعالىق ەتٸپ, دەنساۋلىق ساقتاۋ باسقارماسىنىڭ ٶكٸلدەرٸ, جەتەكشٸ مەديتسينالىق ماماندار, جەرگٸلٸكتٸ اۋرۋحانالار مەن ەمحانالاردىڭ باس دەرٸگەرلەرٸ قاتىستى.
جيىندا وبلىستىق دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ەرٸك مۇساباەۆ ٶڭٸردەگٸ انا مەن بالا ٶلٸمٸنە قاتىستى رەسمي مەلٸمەتتەردٸ ۇسىنىپ, جالپى احۋالدى باياندادى. سونىمەن قاتار, شۋ قالاسىندا ورىن العان جاعداي بويىنشا جۇمىس جٷرگٸزگەن كوميسسييا مٷشەلەرٸ دە الدىن الا قورىتىندىلارىن تانىستىردى.
كەڭەس بارىسىندا شۋ قالالىق ەمحاناسىنىڭ باس دەرٸگەرٸنٸڭ مٸندەتٸن اتقارۋشى گاۋحار ينكاربەكوۆا مەديتسينالىق مەكەمەنٸڭ اتقارعان جۇمىستارى مەن ناۋقاسقا كٶرسەتٸلگەن كٶمەك بارىسىن باياندادى. ال شۋ كٶپبەيٸندٸ اۋداندىق ورتالىق اۋرۋحاناسىنىڭ باس دەرٸگەرٸ قۋانىش تٶلەپبەرگەنوۆ اۋرۋحانا دەڭگەيٸندە انا مەن بالا دەنساۋلىعىن ساقتاۋ باعىتىندا جاسالىپ جاتقان شارالار مەن تۋىنداعان قيىندىقتار تۋرالى اقپارات بەردٸ.
قازٸرگٸ ۋاقىتتا اتالعان جاعدايعا بايلانىستى تەكسەرٸس جۇمىستارى جالعاسۋدا. ارنايى كوميسسييا وقيعانىڭ بارلىق مەن-جايىن انىقتاپ, قورىتىندى شەشٸم قابىلدايتىن بولادى.
