Foto: Pexels.com
Jambyl oblysy, Shý aýdandyq ortalyq aýrýhanasyndaǵy ana men bala óliminen keiin jaýaptylar jazalandy, dep habarlaidy Ult.kz.
Arnaiy komissiia «Júkti áiel dárigerlerdiń qateliginen qaitys boldy» degen qorytyndy shyǵarǵan. Aýdandyq aýrýhananyń bas dárigeri men bosandyrý bóliminiń basshysy qyzmetinen bosatyldy. Al oblystyq basqarma basshysy jáne ana men bala densaýlyǵyn qorǵaý bóliminiń basshysyna qatań sógis berildi.
Mamandar marqum Ádemi Eshenalievanyń isik dárejesin baǵamdamai, zár mólsheriniń shamadan tys tómendegenin nazarǵa almaǵan. Saldarynan júkti kelinshektiń qan qysymy 170-ke jetip, esin joǵaltqan. Sol sátte qursaqtaǵy balasy shetinep ketken. Ózi de 12 kún jansaqtaý bóliminde jatyp qaza boldy.
"Dárigerler ony tekserip, konsiliiým jasap, III dárejege oblystyq perenetaldyq ortalyqqa jiberý kerek edi. Ol birinshi dárejede qalyp qoiǵan. Bizdiń oblystyq komissiianyń jumysy aiaqtaldy. Endi ári qarai bizdiń ministrlik osy máseleni qaraidy", - dedi oblystyq Densaýlyq saqtaý basqarmasy basshysy orynbasarynyń mindetin atqarýshy Qarakóz Saǵynǵalieva.
Osy qaiǵyly oqiǵaǵa bailanysty Jambyl oblysynyń óńirlik densaýlyq saqtaý salasynyń mamandary arnaiy keńes ótkizdi. Keńeske oblys ákiminiń orynbasary Serik Sálemov tóraǵalyq etip, densaýlyq saqtaý basqarmasynyń ókilderi, jetekshi meditsinalyq mamandar, jergilikti aýrýhanalar men emhanalardyń bas dárigerleri qatysty.
Jiynda oblystyq densaýlyq saqtaý basqarmasy basshysynyń mindetin atqarýshy Erik Musabaev óńirdegi ana men bala ólimine qatysty resmi málimetterdi usynyp, jalpy ahýaldy baiandady. Sonymen qatar, Shý qalasynda oryn alǵan jaǵdai boiynsha jumys júrgizgen komissiia músheleri de aldyn ala qorytyndylaryn tanystyrdy.
Keńes barysynda Shý qalalyq emhanasynyń bas dárigeriniń mindetin atqarýshy Gaýhar Inkarbekova meditsinalyq mekemeniń atqarǵan jumystary men naýqasqa kórsetilgen kómek barysyn baiandady. Al Shý kópbeiindi aýdandyq ortalyq aýrýhanasynyń bas dárigeri Qýanysh Tólepbergenov aýrýhana deńgeiinde ana men bala densaýlyǵyn saqtaý baǵytynda jasalyp jatqan sharalar men týyndaǵan qiyndyqtar týraly aqparat berdi.
Qazirgi ýaqytta atalǵan jaǵdaiǵa bailanysty tekseris jumystary jalǵasýda. Arnaiy komissiia oqiǵanyń barlyq mán-jaiyn anyqtap, qorytyndy sheshim qabyldaityn bolady.
