جامبىل وبلىسىندا 96 جاستاعى قارت كوروناۆيرۋسقا قارسى ەكپە الدى, - دەپ حابارلايدى "ۇلت اقپارات".
جامبىل وبلىسى شۋ اۋدانىنىڭ جاڭا جول اۋىلىنىڭ تۇرعىنى حالاياپوۆا يفرات – ەكٸنشٸ دٷنيەجٷزٸلٸك سوعىس جىلدارىندا تىلدا ايانباي ەڭبەك ەتٸپ, جەڭٸستٸ جاقىنداتۋعا بارىنشا ٷلەس قوسقانداردىڭ بٸرٸ. ەل باسىنا كٷن تۋعان شاقتا ەرلەرشە ەڭبەك مايدانىندا تەر تٶككەن قارت 8 بالانى تۋىپ, ونىڭ 6-ۋىن ٶسٸرٸپ-تەربيەلەپ, ولاردان 13 نەمەرە كٶرٸپ وتىر.
سوعىستان كەيٸنگٸ جىلدارى زۆەنودا يفرات اپا قىزىلشا ەگۋ, باپتاۋ جۇمىستارىندا دا الدىنا جان سالماعان.
قاشاندا شيراق قارييا ەشقاشان اۋىلدىق ەمحاناعا سىرقاتى جٶنٸندە شاعىمدانباپتى. سوزىلمالى نەمەسە باسقا دا اۋرۋلار بويىنشا ديسپانسەرلٸك ەسەپتە دە جوق. بٷكٸل عۇمىرىن ەڭبەككە ارناعان جان ٷنەمٸ قيمىل-قوزعالىستا بولىپ, سالاۋاتتى ٶمٸر سالتىن ۇستانعانىنىڭ ارقاسىندا ەلٸ دە ٶزٸن تىڭ سەزٸنەتٸنٸن ايتادى.
«مەن كوروناۆيرۋسقا قارسى ۆاكتسينا سالعىزىپ, اۋرۋدان ساقتانۋعا بەل بۋدىم, سونداي-اق ٶزگەلەرگە دە زييانىمدى تيگٸزبەۋ ٷشٸن دە ۆاكتسينا سالعىزدىم», - دەيدٸ ەجەي.
