Jambyl oblysynda 96 jastaǵy qart koronavirýsqa qarsy ekpe aldy, - dep habarlaidy "Ult aqparat".
Jambyl oblysy Shý aýdanynyń Jańa jol aýylynyń turǵyny Halaiapova Ifrat – Ekinshi dúniejúzilik soǵys jyldarynda tylda aianbai eńbek etip, jeńisti jaqyndatýǵa barynsha úles qosqandardyń biri. El basyna kún týǵan shaqta erlershe eńbek maidanynda ter tókken qart 8 balany týyp, onyń 6-ýyn ósirip-tárbielep, olardan 13 nemere kórip otyr.
Soǵystan keiingi jyldary zvenoda Ifrat apa qyzylsha egý, baptaý jumystarynda da aldyna jan salmaǵan.
Qashanda shiraq qariia eshqashan aýyldyq emhanaǵa syrqaty jóninde shaǵymdanbapty. Sozylmaly nemese basqa da aýrýlar boiynsha dispanserlik esepte de joq. Búkil ǵumyryn eńbekke arnaǵan jan únemi qimyl-qozǵalysta bolyp, salaýatty ómir saltyn ustanǵanynyń arqasynda áli de ózin tyń sezinetinin aitady.
«Men koronavirýsqa qarsy vaktsina salǵyzyp, aýrýdan saqtanýǵa bel býdym, sondai-aq ózgelerge de ziianymdy tigizbeý úshin de vaktsina salǵyzdym», - deidi ájei.
