جامبىل وبلىسى قىزىلوردا ٶڭٸرٸنە 33 توننا شٶپ جٶنەلتتٸ. يگٸلٸكتٸ ٸس اتالعان ٶڭٸردە قۋاڭشىلىق بولۋىنا بايلانىستى ايماقتىڭ بەلسەندٸ ازاماتتارىنىڭ ۇسىنىسىمەن قولعا الىندى, - دەپ حابارلايدى "ۇلت اقپارات".
وسىلايشا, شۋ, لۋگوۆوي, جاڭاتاس جەنە تاراز قالاسى تەمٸر جول ستانسالارىنداعى ۆاگوندارعا وبلىسىمىزدىڭ بارلىق اۋداندارىنان كەلگەن جوڭىشقا, پٸشەن جەنە تابيعي شٶپ ارتىلىپ, سىر ەلٸنە جول تارتتى.
بۇل شاراعا بايزاق اۋدانىنداعى ىنتىماق اۋىلدىق وكرۋگٸنە قاراستى «بٸرلٸك» شارۋا قوجالىعى دا ٶز ٷلەستەرٸن قوسىپ, 300 باۋ جوڭىشقا بەرگەن.
«سىن ساعاتتا بٸرلٸگٸمٸز سىنالادى, بٸرگە بولساق – ىنتىماعىمىز نىعايادى. بٸزدٸڭ بٷگٸنگٸ جاساپ جاتقان امالىمىز ۋاقىت وزدىرماي, قۋاڭشىلىققا تاپ بولعان اعايىنعا شٶپتٸ ەرتەرەك جەتكٸزۋ», - دەيدٸ بايزاقتىق «بٸرلٸك» شارۋا قوجالىعىنىڭ جەتەكشٸسٸ رٷستەم اقىلبەكوۆ.
وبلىستىق اۋىل شارۋاشىلىعى باسقارماسىنىڭ باسشىسى قايرات امانوۆتىڭ ايتۋىنشا, ايماقتا قاجەتتٸ ٸرٸ ساباقتى مال ازىعى قورى جەتكٸلٸكتٸ.
«بٷگٸنگٸ تاڭدا وبلىسىمىزدا مال ازىعىن دايىنداۋ جۇمىستارى جالعاسىن تابۋدا. مال قىستاۋىن قالىپتى ٶتكٸزۋ ٷشٸن 1,7 ميلليون توننا پٸشەن دايىنداۋ جوسپارلانعان. بٷگٸندە 1,5 ميلليون توننا پٸشەن, 58 مىڭ توننا پٸشەندەمە دايىندالدى. الدا سٷرلەم دايىنداۋ ناۋقانى تۇر. جالپى وبلىستا مال ازىعىنا قاجەتتٸ ٸرٸ ساباقتى مال ازىعىنىڭ قورى قاجەت مٶلشەردە جينالدى. ەندٸ, مٸنە, ٶڭٸر شارۋالارىنىڭ ۇسىنىسىمەن قۋاڭشىلىقتان زارداپ شەككەن قىزىلوردا وبلىسىنىڭ ارال قالاسىنا, سەكسەۋٸل كەنتٸ مەن قامىستىباس اۋىلدىق وكرۋگٸندەگٸ شارۋالارعا جەم-شٶپ جەتكٸزٸلەتٸن بولادى», - دەيدٸ ول.
جامبىل وبلىسىنىڭ جۇرتشىلىعى قىزىلوردالىق اعايىندارعا ەرٸ قاراي دا كٶمەك كٶرسەتەتٸندٸگٸن جەتكٸزدٸ.
