2020 جىلى مەملەكەتتٸك بيۋدجەتكە 9 ترلن 751 ملرد تەڭگە كٸرٸس تٷستٸ. بۇل تۋرالى ونلاين رەجيمدە حالىق الدىندا ەسەپ بەرۋٸ كەزٸندە قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى قازاقپارات.
«ٶتكەن جىلى مەملەكەتتٸك بيۋدجەتكە 9 ترلن 751 ملرد تەڭگە كٸرٸس تٷستٸ نەمەسە جوسپار 102,7 پايىزعا اتقارىلدى. 2019 جىلمەن سالىستىرعاندا 62,7 ملرد تەڭگەگە ٶستٸ, ياعني جوسپار 100,6 پايىزدى قۇرادى. جەرگٸلٸكتٸ بيۋدجەتتەردٸڭ كٸرٸستەرٸ بويىنشا جوسپار 108 پايىزعا اتقارىلدى نەمەسە جوسپارلانعان 2 ترلن 955 ملرد تەڭگەنٸڭ ورنىنا 3 ترلن 191 ملرد تەڭگە تٷستٸ», - دەدٸ جاماۋباەۆ.
ونىڭ ايتۋىنشا, بىلتىر رەسپۋبليكالىق بيۋدجەتكە 6 ترلن 561 ملرد تەڭگە كٸرٸس تٷستٸ نەمەسە جوسپار 100,3 پايىزعا اتقارىلدى. كٸرٸستەر بويىنشا جوسپار 22 ملرد تەڭگەگە, ونىڭ ٸشٸندە سالىقتار – 16 ملرد تەڭگەگە اسىرا ورىندالدى.
«سالىقتار بويىنشا اسىرا ورىنداۋدىڭ نەگٸزگٸ سوماسى كورپوراتيۆتٸك تابىس سالىعىنا, پايدالى قازبالاردى ٶندٸرۋ سالىعىنا جەنە شيكٸ مۇنايعا سالىناتىن ەكسپورتتىق كەدەن باجىنا تيەسٸلٸ بولدى», - دەدٸ مينيستر.
سونىمەن قاتار ول بىلتىرعى بيۋدجەت شىعىستارىنا قاتىستى توقتالدى.
«مەملەكەتتٸك بيۋدجەتتٸڭ شىعىستارى 98,2 پايىزعا, رەسپۋبليكالىق بيۋدجەتتٸڭ شىعىستارى 98,3 پايىزعا, جەرگٸلٸكتٸ بيۋدجەتتەردٸڭ شىعىستارى 99,1 پايىزعا اتقارىلدى. رەسپۋبليكالىق بيۋدجەت بويىنشا 14 ترلن 234 ملرد تەڭگە سوماعا شىعىستار جٷرگٸزٸلدٸ. اتقارىلماۋ 241 ملرد تەڭگەنٸ قۇرادى. ونىڭ ٸشٸندە 224 ملرد تەڭگە ٷكٸمەت رەزەرۆٸ بويىنشا ٷنەمدەلگەن اقشا جەنە ٶزگە دە ٷنەمدەۋ. يگەرٸلمەگەنٸ - 15,8 ملرد تەڭگە. ونىڭ نەگٸزگٸ سەبەپتەرٸ: ٶنٸم بەرۋشٸلەردٸڭ شارت تالاپتارىن بۇزۋى, تٶلەم جٶنٸندەگٸ قۇجاتتاردى ۇزاق كەلٸسۋ, ورىندالعان جۇمىستار اكتٸلەرٸن ۇسىنباۋ جەنە باسقا دا جاعدايلارعا بايلانىستى», - دەدٸ مينيستر.
