فوتو: depositphotos.com
اقمولا وبلىسى پروكۋراتۋراسى جالعان ديپلومداردى پايدالانۋ دەرەگٸن انىقتادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"مەملەكەت اۋىلدىق جەرلەرگە جاس مامانداردى تارتۋعا ەرەكشە نازار اۋدارادى جەنە قوماقتى بيۋدجەت قاراجاتىن بٶلەدٸ. وسى ماقساتتا, 2009 جىلدان باستاپ بٷكٸل ەل بويىنشا «ديپلوممەن اۋىلعا» مەملەكەتتٸك باعدارلاماسى ٸسكە اسىرىلىپ جاتىر. ول اۋىلدىق جەردە ەڭبەك ەتۋگە نيەت بٸلدٸرگەن ماماندارعا جەڭٸلدٸكپەن كرەديتتەر مەن ٶتەۋسٸز جەردەماقىلار الۋعا مٷمكٸندٸك بەرەدٸ.
سوڭعى جىلدارى ەلٸمٸزدٸڭ اۋىلدىق جەرلەرٸندە كادر تاپشىلىعى ەدەۋٸر تەڭەستٸرٸلدٸ, الايدا جەكەلەگەن ادامدار «مامان» دەگەن اتپەن جەڭٸلدٸكتٸ شارتتاردى پايدالانا وتىرىپ, بيۋدجەت قاراجاتى ەسەبٸنەن زاڭسىز بايىتىلىپ جاتىر.
وبلىس پروكۋراتۋراسى باعدارلاما شەڭبەرٸندە ەلەۋمەتتٸك قولداۋ شارالارىن ۇسىنۋ كەزٸندە قولدانىستاعى زاڭنامانىڭ ساقتالۋىنا تالداۋ جٷرگٸزدٸ" - دەلٸنگەن حابارلامادا.
ونىڭ نەتيجەسٸ بويىنشا جالعان ديپلومداردىڭ كٶمەگٸمەن جەڭٸلدٸكتەر العان جەنە شارتتىق مٸندەتتەمەلەردٸ بۇزعان ادامدار انىقتالعان.
مەسەلەن, 2021 جىلى ك. ەسٸمدٸ ازامات جالعان ديپلوممەن اتباسار اۋدانىنىڭ وقۋ ورنىنا بيولوگييا پەنٸنٸڭ مۇعالٸمٸ بولىپ جۇمىسقا ورنالاسقان. ال 2022 جىلى مٷلٸكتٸك يگٸلٸكتەر الۋ ماقساتىندا سول جالعان ديپلومدى پايدالانىپ, باعدارلاماعا قاتىسقان. وسىلايشا 4,9 ملن تەڭگە العان.
ايتا كەتۋ كەرەك, ك. 2 جىل بويى وسى سالادا قۇزىرەتتٸ بولماسا دا, بالالاردى وقىتقان.
"وسىنداي سحەمانى بٸلٸم بەرۋ سالاسىنداعى تاعى 12 «مامان» پايدالانعان. زالالدىڭ جالپى سومماسى 30 ملن تەڭگەدەن استى.
جالپى ايتقاندا, مۇنداي «ماماندى» جالعان ديپلوممەن جۇمىسقا ورنالاستىرۋ جاس ۇرپاقتىڭ بٸلٸم دەڭگەيٸنە تەرٸس ەسەر ەتەدٸ جەنە بيۋدجەت قاراجاتىن ۇرلاۋعا جاعداي جاسايدى.
قازٸرگٸ تاڭدا قىلمىستىق قۋدالاۋ ورگاندارى تەرگەۋ ٸس-شارالارىن جٷرگٸزٸپ جاتىر. قر قپك-نٸڭ 201-بابىنىڭ تالاپتارىنا سەيكەس ٶزگە دە اقپارات جارييا ەتۋگە جاتپايدى" - دەلٸنگەن ۆەدومستۆو حابارلاماسىندا.
