فوتو parlam.kz
مەجٸلٸس دەپۋتاتى بولات كەرٸمبەك ەدٸلەت مينيسترلٸگٸ مەن باس پروكۋراتۋرا ەلٸمٸزدەگٸ قازٸرگٸ تٷرلٸ «بيلەر» اتىن جامىلعان ۇيىمداردىڭ جۇمىسىنا تەكسەرۋ جٷرگٸزٸپ, ولاردىڭ قىزمەتٸنٸڭ زاڭعا سەيكەستٸگٸن پىسىقتاۋى كەرەك دەپ ەسەپتەيدٸ. بۇل تۋرالى ult.kz حابارلايدى."كەمەڭگەر اباي كەزٸندە اۋزىمەن وراق ورعان پىسىقايلارعا قاراتا «باس-باسىنا بي بولعان ٶڭكەي قيقىم, مٸنەكەي, بۇزعان جوق پا ەلدٸڭ سيقىن» دەپ, ولاردى قاتاڭ سىناعان ەدٸ. ٶكٸنٸشكە قاراي, سوڭعى كەزدە ەلٸمٸزدە وسىنداي ٶزٸن-ٶزٸ سايلاپ العان جالعان «بيلەر» جاڭبىردان كەيٸنگٸ ساڭىراۋقۇلاقتاي قاۋلاپ ٶسٸپ, كٶبەيٸپ كەتتٸ. «قازاق بيلەرٸ», «قازاق بيلەر القاسى» سەكٸلدٸ اتاۋلارمەن قۇرىلعان تٷرلٸ رۋلىق-جٷزدٸك قوعامدىق ۇيىمدار قاپتادى. تٸپتٸ, رەسمي تٸركەلمەي-اق ٶز الدىنا وڭاشا وتاۋ قۇرىپ, بي بولىپ جٷرگەندەر دە جەتەرلٸك. بۇدان بٶلەك, ات تٶبەلٸندەي از عانا توپتىڭ قولداپ-قولپاشتاۋىمەن باس بي اتانىپ, اساتاياق ۇستاپ, اقىل ايتىپ, شەشٸم شىعارىپ جٷرگەندەر دە بار", -دەيدٸ دەپۋتات.
دەپۋتاتتىڭ ويىنشا ولاردىڭ كەيبٸرٸنٸڭ نيەتٸ دۇرىس بولعانىمەن, ماقساتى – اتىن شىعارىپ, اتاق الۋ, جۇرت ٷستٸنەن كٷن كٶرٸپ, مال تابۋ سەكٸلدٸ.
"وسىنداي جۇرت بٸلمەيتٸن, ەلگە ايتارلىقتاي ەڭبەگٸ سٸڭبەگەن, كٶپشٸلٸك مويىنداماعان قاپتاعان بيلەر ەر ٸسكە جٶنسٸز ارالاسىپ, كٶسەمسٸپ, جۇرتتى جٸك-جٸككە بٶلۋٸمەن قويماي, ٶزارا تالاسىپ, قازاقتىڭ عاسىرلار قويناۋىنداعى قاسيەتتٸ بيلەر ينستيتۋتىنا كٸر كەلتٸرە باستادى", -دەگەن دەپۋتاتتىڭ ايتۋىنشا بي دەگەندە قازاقتىڭ ويىنا ەڭ الدىمەن اقىلى اسقان ەيگٸلٸ تٶلە بي, قارا قىلدى قاق جارعان قاز داۋىستى قازىبەك بي, شەشەن دە كٶسەم ەيتەكە بي, توپتان وزعان تولىباي بي سەكٸلدٸ تاڭداۋلى تۇلعالار كەلەتٸن.
بولات كەرٸمبەك اتام زاماننان قالعان بيلەر ينستيتۋتى بۇل بٷگٸنگٸ سوت بيلٸگٸ. ال قازٸرگٸ قاپتاعان بيلەر وسى قاستەرلٸ اتاق, ابىرويلى تەربيەنٸڭ قادٸرٸن كەتٸرٸپ, قۇنىن تٷسٸرۋدە دەپ ەسەپتەيدٸ. "سوندىقتان وسى بيلەر ۇيىمدارىنىڭ جۇمىسىن جٸتٸ تەكسەرەتٸن ۋاقىت كەلدٸ" دەپ وتىر.
"بٸز ناقتى قۇرىلىمدالعان سوت جٷيەسٸ بار, ەربٸر ازاماتى القابيلەر مەن حالىقارالىق ستاندارتتارعا سەيكەس قۇقىقتىق قورعاۋ قۇقىعىنا يە ەلدە ٶمٸر سٷرٸپ جاتىرمىز. ال بيلەر كەلٸپ, سول قالىپتاسقان نورمانى بۇزباقشى ما?! ولاي بولماسا, ولاردىڭ كٶزدەگەنٸ نە, ماقساتى نە? نەگە ٶزدەرٸن ٶزدەرٸ بي سايلاپ العان? كٸم ولارعا مۇنداي ٶكٸلەتتٸك بەرگەن?! ەربٸر ٶڭٸردە جەرگٸلٸكتٸ ەكٸمدٸك پەن مەسليحاتتار, سوت بيلٸگٸ مەن قۇقىق-قورعاۋ ورگاندارى بار, اقساقالدار مەن قوعامدىق كەڭەستەر زاڭ اياسىندا قىزمەت ەتۋدە. تۋىنداعان مەسەلەلەنٸ شەشەتٸن دە, كٶتەرەتٸن دە وسى زاڭدى ۇيىمدار مەن مەكەمەلەر. ياعني زاڭ مەن تەرتٸپ كونتسەپتسيياسىن ٸسكە اسىراتىن بيلٸك تارماقتارى بٸزدە ناقتى ايقىندالعان. بٸز تاريحي جادىمىزدىڭ ماڭىزدى ەكەنٸن تٷسٸنەمٸز, بٸراق بولاشاعىمىز جارقىن بولۋ ٷشٸن كەشە مەن بٷگٸندٸ شاتاستىرىپ الماۋىمىز كەرەك. وسى رەتتە, پرەزيدەنتٸمٸز ايتقانداي: «بٸز زاڭ مەن تەرتٸپ, بٸلٸم مەن پاراسات ٷستەمدٸك ەتەتٸن قوعام قۇرۋىمىز كەرەك. ...سوندىقتان بٸز ٶركەنيەتتٸ ەل بولۋعا كەدەرگٸ جاسايتىن جاعىمسىز ەدەتتەردەن ارىلۋىمىز كەرەك» – دەگەن سٶزدەرٸن باسشىلىققا الۋىمىز قاجەت. سوندىقتان, ٶزدەرٸن بي سايلاپ, مەسەلەلەرگە پەتۋا شىعارىپ جٷرگەن تٷرلٸ ادامداردىڭ ەرەكەتٸنە ناقتى قۇقىقتىق باعا بەرٸلۋٸ تيٸس. بٸز تەك زاڭ ٷستەمدٸك ەتٸپ, تەرتٸپ بيلەيتٸن قوعامدا ٶمٸر سٷرۋٸمٸز قاجەت", -دەيدٸ دەپۋتات كەرٸمبەك.
