فوتو: instagram / adiletkhan
الماتىدا 1 ميلليونعا جۋىق وقىرمانى بار تانىمال زاڭگەر-بلوگەر ەدٸلەتحان مولداحان ۇستالدى, دەپ حابارلايدى Ult.kz.
بۇل اقپارات العاشىندا ەلەۋمەتتٸك جەلٸدە تاراعان بولاتىن. كەيٸن الماتى قالالىق پوليتسييا دەپارتامەنتٸ رەسمي تٷردە راستادى.
ۆەدومستۆو مەلٸمەتٸنشە, ازاماتقا قاتىستى «كٶرٸنەۋ جالعان اقپارات تاراتۋ» فاكتٸسٸ بويىنشا سوتقا دەيٸنگٸ تەرگەپ-تەكسەرۋ باستالعان. قازٸرگٸ تاڭدا كٷدٸكتٸ ۋاقىتشا ۇستاۋ يزولياتورىنا قامالىپ, ٸس بويىنشا تەرگەۋ امالدارى جٷرگٸزٸلۋدە.
ەدٸلەتحان مولداحان ەلەۋمەتتٸك جەلٸلەردە قۇقىقتىق تاقىرىپتاعى بەينەجازبالارىمەن كەڭٸنەن تانىلعان. سوڭعى ۋاقىتتا ونىڭ ەل-فارابي داڭعىلىندا بولعان جانتٷرشٸگەرلٸك جول اپاتى تۋرالى جارييالاعان ۆيدەولارى قىزۋ تالقىلانعان ەدٸ.
ەسكە سالا كەتەيٸك, 21 ناۋرىزعا قاراعان تٷنٸ Zeekr كٶلٸگٸنٸڭ جٷرگٸزۋشٸسٸ قارسى باعىتقا شىعىپ كەتٸپ, Mercedes اۆتوكٶلٸگٸمەن سوقتىعىسقان. قايعىلى وقيعا سالدارىنان Mercedes جٷرگٸزۋشٸسٸ مەن ەكٸ جولاۋشىسى وقيعا ورنىندا قازا تاپتى. اتالعان دەرەك بويىنشا قىلمىستىق كودەكستٸڭ 345-بابى 4-بٶلٸگٸمەن ٸس قوزعالىپ, 10 جىلعا دەيٸن باس بوستاندىعىنان ايىرۋ جازاسى قاراستىرىلعان. ٸشكٸ ٸستەر مينيسترٸ ەرجان سادەنوۆ بۇل جول اپاتىنان كەيٸن بٸرقاتار باسشىلار قىزمەتٸنەن بوساتىلعانىن مەلٸمدەدٸ.
