Foto: instagram / adiletkhan
Almatyda 1 millionǵa jýyq oqyrmany bar tanymal zańger-bloger Ádilethan Moldahan ustaldy, dep habarlaidy Ult.kz.
Bul aqparat alǵashynda áleýmettik jelide taraǵan bolatyn. Keiin Almaty qalalyq Politsiia departamenti resmi túrde rastady.
Vedomstvo málimetinshe, azamatqa qatysty «kórineý jalǵan aqparat taratý» faktisi boiynsha sotqa deiingi tergep-tekserý bastalǵan. Qazirgi tańda kúdikti ýaqytsha ustaý izoliatoryna qamalyp, is boiynsha tergeý amaldary júrgizilýde.
Ádilethan Moldahan áleýmettik jelilerde quqyqtyq taqyryptaǵy beinejazbalarymen keńinen tanylǵan. Sońǵy ýaqytta onyń ál-Farabi dańǵylynda bolǵan jantúrshigerlik jol apaty týraly jariialaǵan videolary qyzý talqylanǵan edi.
Eske sala keteiik, 21 naýryzǵa qaraǵan túni Zeekr kóliginiń júrgizýshisi qarsy baǵytqa shyǵyp ketip, Mercedes avtokóligimen soqtyǵysqan. Qaiǵyly oqiǵa saldarynan Mercedes júrgizýshisi men eki jolaýshysy oqiǵa ornynda qaza tapty. Atalǵan derek boiynsha Qylmystyq kodekstiń 345-baby 4-bóligimen is qozǵalyp, 10 jylǵa deiin bas bostandyǵynan aiyrý jazasy qarastyrylǵan. Ishki ister ministri Erjan Sadenov bul jol apatynan keiin birqatar basshylar qyzmetinen bosatylǵanyn málimdedi.
