ەدٸلبەك جاقسىبەكوۆ قازاقستان فۋتبول فەدەراتسيياسىنىڭ پرەزيدەنتٸ سايلاۋىنا قاتىسۋدان باس تارتتى, - دەپ حابارلايدى "ۇلت اقپارات" فەدەراتسييانىڭ سايتىنا سٸلتەمە جاساپ.
"10 اقپاندا «قازاقستان فۋتبول فەدەراتسيياسى» قاۋىمداستىعى» زتب سايلاۋ كوميتەتٸنٸڭ جيىنى ٶتتٸ.
كوميتەت قفف پرەزيدەنتٸ سايلاۋىنا قاۋىمداستىق مٷشەلەرٸ ۇسىنعان ٷمٸتكەرلەردٸڭ قۇجاتتارىن قارادى. سايلاۋ 2022 جىلدىڭ 28 اقپانىندا قفف كونفەرەنتسيياسىندا ٶتەدٸ.
قفف پرەزيدەنتٸ ە.ر. جاقسىبەكوۆ كانديداتۋراسى سايلاۋعا قاتىسۋدان باس تارتۋىنا بايلانىستى تٸركەلمەدٸ", - دەلٸنگەن حابارلامادا.
جيىن قورىتىندىسى بويىنشا الداعى سايلاۋعا كەلەسٸ ٷمٸتكەرلەر تٸركەلدٸ:
- بارمەنقۇلوۆ ەدٸلەت نازاربايۇلى - قفف اتقارۋشى كوميتەتٸنٸڭ مٷشەسٸ, "قازاقستان فۋتبول فەدەراتسيياسى" قاۋىمداستىعى" زتب پرەزيدەنتٸ كەڭەسشٸسٸ;
- جارىلقاسىنوۆ ەرلان ەركٸنبەكۇلى - "قازاقستان فۋتبول جانكٷيەرلەرٸ ليگاسى" قب تٶراعاسى;
- بەرٸك سەرالىۇلى قانيەۆ - قفف اتقارۋشى كوميتەتٸنٸڭ مٷشەسٸ, Lancaster Group Kazakhstan اق ديرەكتورلار كەڭەسٸنٸڭ تٶراعاسى;
- لورييا داۆيد گريگورەۆيچ - فۋتبول فەدەراتسيياسى زتب پرەزيدەنتٸ (نۇر-سۇلتان قالاسى);
- ورازبەكوۆ قايرات ايتمولداۇلى - قفف اتقارۋشى كوميتەتٸنٸڭ مٷشەسٸ, "قايرات" ققق پرەزيدەنتٸ.
