جەبٸرلەنۋشٸلەرگە قوردان ٶتەماقى تٶلەۋ ٶندٸرٸپ الۋشىعا قاتىستى جاسالعان قۇقىق بۇزۋشىلىقتىڭ ساناتىنا قاراي 30-دان 50 ايلىق ەسەپتٸك كٶرسەتكٸشكە دەيٸن بٸر رەتتٸك تٶلەم تٷرٸندە 2020 جىلدىڭ 1 شٸلدەسٸنەن باستاپ ٸسكە اسىرىلادى, دەپ حابارلايدى "ۇلت اقپارات" نۇر-سۇلتان قالالىق پروكۋراتۋراسىنا سٸلتەمە جاساپ.
مەملەكەتتٸك ٶتەماقىلار - قىلمىستىق قۇقىق بۇزۋشىلىقتاردان زارداپ شەككەن ادامداردىڭ قۇقىقتارى مەن زاڭدى مٷددەلەرٸن قورعاۋدىڭ قولدانىستاعى تيٸمدٸ تەتٸگٸ بولىپ تابىلادى.
2018 جىلى «جەبٸرلەنۋشٸلەرگە ٶتەماقى قورى تۋرالى» زاڭنىڭ قابىلدانۋىمەن ەلٸمٸزدە قىلمىستاردان ماتەريالدىق زارداپ شەككەن, الايدا قىلمىستىڭ اشىلماۋى نەمەسە قىلمىسكەردٸڭ سوتتان جاسىرىنۋى سەبەپتٸ ٶتەماقىنى ٶندٸرٸپ الۋعا مٷمكٸندٸگٸ جوق ادامدارعا شۇعىل قاجەتتٸ كٶمەك كٶرسەتۋگە ارنالعان ينستيتۋت قۇرىلدى.
جەبٸرلەنۋشٸلەرگە قوردان ٶتەماقى تٶلەۋ ٶندٸرٸپ الىشۋعا قاتىستى جاسالعان قۇقىق بۇزۋشىلىقتىڭ ساناتىنا قاراي 30-دان 50 ايلىق ەسەپتٸك كٶرسەتكٸشكە دەيٸن بٸر رەتتٸك تٶلەم تٷرٸندە 2020 جىلدىڭ 1 شٸلدەسٸنەن باستاپ ٸسكە اسىرىلادى.
ادام جەبٸرلەنۋشٸ دەپ تانىلعان كٷننەن باستاپ 3 جىلدىڭ ٸشٸندە قىلمىستىق قۋدالاۋدى جٷزەگە اسىراتىن, ٶزٸنە قاتىستى ٶتەماقى تاعايىنداۋعا قۇزىرەتتٸ مەملەكەتتٸك ورگانعا ٶتٸنٸشپەن جٷگٸنۋگە قۇقىلى.
ٶتەماقى سەكسۋالدىق زورلىق-زومبىلىقپەن بايلانىستى قىلمىستار بويىنشا جەبٸرلەنۋشٸلەر بولىپ تابىلاتىن كەمەلەتكە تولماعاندارعا, ادام ساۋداسىمەن جەنە ازاپتاۋلارمەن بايلانىستى قىلمىستار بويىنشا جەبٸرلەنۋشٸلەر دەپ تانىلعان ادامدارعا, قىلمىستاردىڭ نەتيجەسٸندە دەنساۋلىعىنا اۋىر زييان كەلتٸرٸلگەن نە ادامنىڭ يممۋن تاپشىلىعى ۆيرۋسىن ايتۆ/جيتس جۇقتىرعان ادامدارعا, «جەبٸرلەنۋشٸلەرگە ٶتەماقى قورى تۋرالى» زاڭنىڭ 6-بابىندا كٶزدەلگەن قىلمىستىق كودەكستٸڭ باپتارى بويىنشا جەبٸرلەنۋشٸ قايتىس بولعان جاعدايدا جەبٸرلەنۋشٸ قۇقىقتارى بەرٸلگەن ادامدارعا تاعايىندالادى.
