© Photo : http://kazminerals.info
قازاقستاندىق شاحتەرلەردٸڭ بەرٸ بٸردەي زەينەتكە ەرتە شىققىسى كەلمەيدٸ. بۇل تۋرالى ٷكٸمەت باسشىسىنىڭ ورىنباسارى ەرالى توعجانوۆ مەلٸمدەدٸ, دەپ حابارلايدى Sputnik قازاقستان.
ۆيتسە-پرەمەردٸڭ ايتۋىنشا, كەنشٸلەردٸڭ بەرٸ ٷكٸمەتتەن زەينەت جاسىن تٶمەندەتۋدٸ سۇراپ وتىرعان جوق. اراسىندا 63 جاستى ٶزگەرٸسسٸز قالدىرۋدى ۇسىنىپ جاتقاندار بار. وعان شاحتەرلەردٸڭ جوعارى جالاقىسى سەبەپ.
"ەڭ اۋىر جۇمىس شاحتەرلەردٸكٸ دەگەنمەن كەلٸسەمٸن. ٶزٸم تالاي رەت شاحتاعا تٷستٸم, كەنشٸلەرمەن كەزدەستٸم. شىنىمەن دە اۋىر جۇمىس. بٸراق شاحتەرلەردٸڭ بەرٸ بٸردەي زەينەتكە ەرتە شىققىسى كەلمەيدٸ. سەبەبٸ جەراستى جۇمىستارى ٷشٸن جوعارى جالاقى الادى. مۇنداي اقشادان ەشكٸم ايىرىلعىسى كەلمەيدٸ. بٸزگە تٷرلٸ ۇسىنىستار تٷسەدٸ: بٸرەۋ زەينەت جاسىن تٶمەندەتكٸسٸ كەلەدٸ, ەندٸ بٸرەۋلەرٸ سول كٷيٸ قالدىرۋدى ۇسىنادى", - دەدٸ توعجانوۆ ٷكٸمەت كۋلۋارىندا.
ايتۋىنشا, دەنساۋلىعى سىر بەرگەن كەنشٸلەر جەرٷستٸ جۇمىستارىنا اۋىسادى ەكەن.
ول قازٸر بٷكٸل ەلەمدە زەينەت جاسى كٶتەرٸلٸپ جاتقانىن اتاپ ٶتتٸ. سوندىقتان قازاقستاندا بۇل مەسەلە جان-جاقتى تالقىلانادى.
"جۇمىس توبى قۇرىلدى. وسى باستامانى كٶتەرگەن توپتارمەن كەزدەسۋلەر ٶتكٸزٸلٸپ جاتىر. ەلەۋمەتتٸك كودەكستٸ ەزٸرلەۋ اياسىندا جۇمىس توبىمەن تيٸستٸ جۇمىس جٷرگٸزٸلەدٸ", - دەدٸ ۆيتسە-پرەمەر.
وسى ورايدا جۋرناليستەر زەينەت جاسىنا قاتىستى ناقتى شەشٸم قاشان قابىلداناتىنىن سۇرادى.
"بيىل ەلەۋمەتتٸك كودەكستٸ قابىلدايمىز. جىل سوڭىنا دەيٸن بٸر شەشٸمگە كەلەمٸز", - دەپ سەندٸردٸ توعجانوۆ.
