زەينەتاقىنىڭ بٸر بٶلٸگٸن ٷلەسكەرلٸك تۇرعىن ٷي قۇرىلىسى ٷشٸن قالاي پايدالانۋعا بولادى? سالىمشىلار بەتپە-بەت كەلگەن بۇل مەسەلەنٸڭ مەن-جايىن «وتباسى بانك» باسشىسى لەززات يبراگيموۆا تٷسٸندٸردٸ, دەپ حابارلايدى قازاقپارات.
«ەرينە, ٷلەسكەرلەردٸڭ اقشاسىنا سالىنىپ جاتقان ٷي ەدەتتەگٸ ٷيلەردەن ارزان بولادى. بٸزدٸڭ ەرەجەلەردە ول ٷيلەردٸ الۋعا مٷمكٸندٸك بار. الايدا بۇل رەتتە بٸر تالابىمىز بار – سالىنىپ جاتقان نىساندا بٸرىڭعاي وپەراتور – قازاقستان تۇرعىن ٷي كومپانيياسىنىڭ كەپٸلدٸگٸ بولۋى كەرەك», - دەدٸ لەززات يبراگيموۆا BaigeNews.kz پورتالىنىڭ YouTube-ارناسىنداعى سۇحباتىندا.
«وتباسى بانك» بۇل شەكتەۋ نەلٸكتەن ەنگٸزٸلٸپ وتىرعانىن تٷسٸندٸرٸپ بەردٸ.
«جەكە نارىق 25 جىلدىڭ ٸشٸندە قالاي دامىعانىن كٶردٸك. ەڭ كٷردەلٸسٸ دە وسى ٷلەسكەرلٸك قۇرىلىس جاعدايىندا كەزدەستٸ. ٷمٸتٸ ٷزٸلٸپ, سەنٸمٸ جوعالعان ٷلەسكەرلەردٸ قازاقستاننىڭ قالالارىنان ەلٸ دە كەزدەستٸرۋگە بولادى. شۋلى ستسەنارييلەر قايتالانباس ٷشٸن مەملەكەت كەپٸلدٸك بەرگەن نىسانداردان عانا ٷي الۋعا مٷمكٸندٸك جاساپ وتىرمىز. ٶزٸڭٸز ويلاپ قاراڭىز: سٸز ٷلەسكەر رەتٸندە الدىن الا اقشا سالىپ, ٷي ساتىپ الساڭىز, تەك قۇجاتىن عانا الاتىنىڭىزدى ەسكەرٸڭٸز. ال ول ٷيٸڭٸزدٸڭ تٸپتٸ قابىرعاسى دا تۇرعىزىلماۋى مٷمكٸن. ال مەن ايتىپ وتىرعان جاعدايدا نىسان قۇرىلىسىنىڭ اياقتالۋىنا مەملەكەت كەپٸلدٸك بەرەدٸ», - دەدٸ ول.
