جەكەلەگەن قازاقستاندىقتار زەينەتاقىنىڭ بٸر بٶلٸگٸن پايدالانۋ ارقىلى تۇرعىن ٷي يپوتەكاسىنىڭ نەگٸزسٸ قارىزىن جابۋ كەزٸندە بانككە ايىپاقىنى تٶلەۋگە مٸندەتتەلگەن. بۇل مەسەلەنٸڭ انىق-قانىعىن «وتباسى بانك» باسشىسى لەززات يبراگيموۆا ايتىپ بەردٸ, دەپ حابارلايدى قازاقپارات.
«2016 جىلى مەرزٸمٸنەن بۇرىن بەرەشەكتٸ ٶتەۋگە قاتىستى زاڭعا ٶزگەرٸستەر مەن تولىقتىرۋلار ەنگٸزٸلدٸ. بانككە قارىز بەرۋ – نەسيە ارقىلى تابىس تابۋعا بولاتىن مٷمكٸندٸك. مەسەلەن, ەگەر مەن كوممەرتسييالىق بانكتٸڭ باسشىسى بولسام, دەپوزيتٸ بار ازاماتتارعا جىلىنا 10 پايىز تٶلەيمٸن دە, نەسيەنٸ 14 پايىزبەن بەرەمٸن. ياعني 4 پايىز – يپوتەكا بويىنشا ەكٸنشٸ دەڭگەيلٸ بانكتٸڭ مارجاسى. قازاقستاندا بانكتەردٸڭ تابىسى ورتاشا ەسەپپەن وسىنداي», - دەدٸ لەززات يبراگيموۆا BaigeNews.kz پورتالىنىڭ YouTube-ارناسىنداعى سۇحباتىندا.
ونىڭ ايتۋىنشا, ەگەر كرەديت الۋشى نەسيەنٸ مەرزٸمٸنەن بۇرىن جاپقىسى كەلسە, بانككە بۇل جاعداي اسا تيٸمدٸ ەمەس. سەبەبٸ ول ۇزاق مەرزٸمدٸ تابىسىنان ايىرىلادى.
«نەگە دەسەڭٸز, ٶزٸنٸڭ دامۋ باعدارلاماسىندا, بيۋدجەتٸندە بانك ىلعي دا پايىزدىق تابىسىن ەسەپتەپ قويادى. سوندىقتان نەگٸزگٸ قارىزدى مەرزٸمٸنەن بۇرىن تٶلەگەن جاعدايدا ايىپاقىنى قوسىپ قويعان. بٸراق زاڭناما مۇنى قازٸر قاتاڭ قاداعالايدى. ەگەر سٸز كەلٸسٸمشارت نەگٸزٸندە يپوتەكالىق نەسيە الساڭىز, وندا ايىپپۇل, ياعني ايىپاقى قارىز العان مەرزٸمنەن باستاپ 6 اي عانا كٷشٸندە بولادى. ارى كەتكەندە 12 اي. وسى مەرزٸمنەن كەيٸن سٸز ەشقانداي ايىپاقىسىز نەمەسە ايىپپۇلسىز نەگٸزگٸ قارىزدى جابا الاسىز», - دەدٸ ول.
