فوتو: اشىق دەرەككٶز
قازاقستاندا زەينەتاقى جيناقتارىن مەرزٸمٸنەن بۇرىن الۋ قيىنداۋى مٷمكٸن. ۇلتتىق بانك جەتكٸلٸكتٸ شەكتٸ مٶلشەردٸ كٶتەرۋدٸ جوسپارلاپ وتىر, دەپ حابارلايدى Ult.kz.
ۇلتتىق بانك ٶكٸلدەرٸ مۇنداي شەشٸمدٸ كەلەشەكتە زەينەتاقى مٶلشەرٸ تٶمەندەپ كەتپەۋٸ ٷشٸن قاجەت دەپ تٷسٸندٸرەدٸ.
"بيىل ۇلتتىق قور تەجٸريبەسٸنە ۇقساس تٷردە ۇزاقمەرزٸمدٸ تابىستىلىقتى ارتتىرۋ ٷشٸن اكتسييالار مەن بالامالى قۇرالدار سيياقتى جوعارى تابىستى اكتيۆتەر كلاسىنىڭ ٷلەسٸن كٶبەيتۋدٸ جوسپارلاپ وتىرمىز. سونىمەن قاتار بولاشاقتا زەينەتاقى تٶلەمدەرٸنٸڭ لايىقتى دەڭگەيٸن قامتاماسىز ەتۋ ٷشٸن تابىستى الماستىرۋ كوەففيتسيەنتٸن ارتتىرۋ قاجەت. بۇل زەينەتاقى جيناقتارىن مەرزٸمٸنەن بۇرىن الۋ شەگٸن قاتاڭداتۋدى تالاپ ەتەدٸ", – دەدٸ تيمۋر سٷلەيمەنوۆ.
ۇلتتىق بانك تٶراعاسى تيمۋر سٷلەيمەنوۆتٸڭ ايتۋىنشا, 2025 جىلى زەينەتاقى اكتيۆتەرٸ 12%-عا ٶسٸپ, 25,1 تريلليون تەڭگەگە جەتكەن. ال, ينۆەستيتسييالىق تابىس 1,8 تريلليون تەڭگەنٸ قۇرادى.
