ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ زەينەتاقى جيناعىن پايدالان وتىرىپ ساتىپ الىنعان باسپانانى 5 جىلدان كەيٸن عانا ساتۋعا بولاتىنىن ايتتى, دەپ حابارلايدى "ۇلت اقپارات".
بٸرجان نۇرىمبەتوۆ سونداي-اق جوعارىدا اتالعان ساناتتاعى ازاماتتار زەينەتاقى جيناقتارىنىڭ بٸر بٶلٸگٸن تۇرعىن ٷي جاعدايىن جاقسارتۋ ماقساتىندا, سونداي-اق ٶزدەرٸ, ەرلٸ-زايىپتىلار نەمەسە جاقىن تۋىستارى (اتالارى/ەجەلەرٸ, اتا-انالارى, بالالارى, نەمەرەلەرٸ, اعا-ٸنٸلەرٸ) ٷشٸن ەمدەلۋدٸڭ اقىسىن تٶلەۋ ٷشٸن پايدالانا الاتىنىن اتاپ ٶتتٸ. ماقساتتى پايدالانۋ ٷشٸن وسى وتباسى مٷشەلەرٸنٸڭ قاراجاتىن بٸرٸكتٸرۋگە بولادى.
«بەلگٸلەنگەن تالاپتارعا سەيكەس كەلگەن جاعدايدا الىپ قويۋ سانى بويىنشا شەكتەۋلەر كٶزدەلمەگەن, ياعني ازاماتتار زەينەتاقى جيناقتارىنىڭ بٸر بٶلٸگٸن بٸر نەمەسە باسقا ماقساتقا قايتا پايدالانا الادى», – دەدٸ مينيستر.
اتاپ ايتقاندا, تۇرعىن ٷي جاعدايلارىن جاقسارتۋ ٷشٸن زەينەتاقى جيناقتارىنىڭ بٸر بٶلٸگٸن پايدالانۋ تۇرعىن ٷي (باستاپقى جەنە قايتالاما نارىقتا) نەمەسە جەر ۋچاسكەسٸن ساتىپ الۋ, يپوتەكالىق قارىزداردى قايتا قارجىلاندىرۋ نەمەسە ٶتەۋ (كەز كەلگەن ەكٸنشٸ دەڭگەيدەگٸ بانكتە, كەز كەلگەن باعدارلاما بويىنشا), ٶز تۇرعىن ٷيٸن سالۋ نەمەسە جٶندەۋ مٷمكٸندٸگٸن جەنە تۇرعىن ٷي جاعدايلارىن جاقسارتۋدىڭ باسقا دا نۇسقالارىن كٶزدەيدٸ. زەينەتاقى جيناقتارىن پايدالانا وتىرىپ ساتىپ الىنعان تۇرعىن ٷي 5 جىل ٶتكەننەن كەيٸن عانا ساتىلۋى مٷمكٸن.
«بٸر تەرەزە» قاعيداتى بويىنشا زەينەتاقى جيناقتارىنىڭ بٸر بٶلٸگٸن تۇرعىن ٷي جاعدايىن جاسقارتۋعا ماقساتتى پايدالانۋعا ۋەكٸلەتتٸ وپەراتور رەتٸندە قايتا قۇرىلاتىن «وتباسى بانكٸ» («تۇرعىن ٷي جيناقتاۋشى بانكٸ» اق) ۇسىنىلادى.
زەينەتاقى جيناقتارىن تٶلەۋ ەسەبٸنەن تۇرعىن ٷي جاعدايلارىن جاقسارتۋ تەرتٸبٸن قر يندۋسترييا جەنە ينفراقۇرىلىمدىق دامۋ مينيسترلٸگٸ بەكٸتەدٸ.
