Eńbek jáne halyqty áleýmettik qorǵaý ministri Birjan Nurymbetov zeinetaqy jinaǵyn paidalan otyryp satyp alynǵan baspanany 5 jyldan keiin ǵana satýǵa bolatynyn aitty, dep habarlaidy "Ult aqparat".
Birjan Nurymbetov sondai-aq joǵaryda atalǵan sanattaǵy azamattar zeinetaqy jinaqtarynyń bir bóligin turǵyn úi jaǵdaiyn jaqsartý maqsatynda, sondai-aq ózderi, erli-zaiyptylar nemese jaqyn týystary (atalary/ájeleri, ata-analary, balalary, nemereleri, aǵa-inileri) úshin emdelýdiń aqysyn tóleý úshin paidalana alatynyn atap ótti. Maqsatty paidalaný úshin osy otbasy músheleriniń qarajatyn biriktirýge bolady.
«Belgilengen talaptarǵa sáikes kelgen jaǵdaida alyp qoiý sany boiynsha shekteýler kózdelmegen, iaǵni azamattar zeinetaqy jinaqtarynyń bir bóligin bir nemese basqa maqsatqa qaita paidalana alady», – dedi ministr.
Atap aitqanda, turǵyn úi jaǵdailaryn jaqsartý úshin zeinetaqy jinaqtarynyń bir bóligin paidalaný turǵyn úi (bastapqy jáne qaitalama naryqta) nemese jer ýchaskesin satyp alý, ipotekalyq qaryzdardy qaita qarjylandyrý nemese óteý (kez kelgen ekinshi deńgeidegi bankte, kez kelgen baǵdarlama boiynsha), óz turǵyn úiin salý nemese jóndeý múmkindigin jáne turǵyn úi jaǵdailaryn jaqsartýdyń basqa da nusqalaryn kózdeidi. Zeinetaqy jinaqtaryn paidalana otyryp satyp alynǵan turǵyn úi 5 jyl ótkennen keiin ǵana satylýy múmkin.
«Bir tereze» qaǵidaty boiynsha zeinetaqy jinaqtarynyń bir bóligin turǵyn úi jaǵdaiyn jasqartýǵa maqsatty paidalanýǵa ýákiletti operator retinde qaita qurylatyn «Otbasy banki» («Turǵyn úi jinaqtaýshy banki» AQ) usynylady.
Zeinetaqy jinaqtaryn tóleý esebinen turǵyn úi jaǵdailaryn jaqsartý tártibin QR Indýstriia jáne infraqurylymdyq damý ministrligi bekitedi.
