رەسەيدە كوروناۆيرۋس جۇققان ناۋقاستاردى ەمدەگەن دەرٸگەرلەردٸڭ شامامەن ٷشتەن بٸر بٶلٸگٸ COVID-19 ٸندەتٸنە بايلانىستى ستاتيستيكانى بۇرمالاۋ تۋرالى “نۇسقاۋلىق” العان. جاڭا زەرتتەۋ قورىتىندىسى وسىنى كٶرسەتكەن.
ساۋالناما قورىتىندىسىنا سەيكەس, زەرتتەۋگە قاتىسقان دەرٸگەرلەردٸڭ 35,8 پايىزى "شيفرلاۋ جٷيەسٸنٸڭ" كٶمەگٸمەن كوروناۆيرۋس جۇققان ناۋقاستار سانى مەن ادام ٶلٸمٸ كٶرسەتكٸشٸن تٷزەتۋ تۋرالى "نۇسقاۋلىق" العانىن راستاعان. شيفرلاۋ جٷيەسٸ ەدەتتە ناۋقاس ٶلٸمٸنٸڭ سەبەبٸن انىقتاۋ ٷشٸن قولدانىلادى.
1-15 مامىر ارالىعىندا جٷرگٸزٸلگەن ساۋالناماعا 509 رەسپوندەنت قاتىسقان. زەرتتەۋ رەسەي كوروناۆيرۋستان قايتىس بولعاندار سانىن تٶمەندەتٸپ كٶرسەتەدٸ (اتاپ ايتقاندا ۆيرۋستان قايتىس بولعانداردى ٶزگە اۋرۋدان, ونىڭ ٸشٸندە پنەۆمونييادان قايتىس بولدى دەپ كٶرسەتۋٸ مٷمكٸن) دەگەن بولجام پايدا بولعان كەزدە ٶتكٸزٸلٸپ وتىر.
ساۋالناما ورىسشا سٶيلەيتٸن دەرٸگەرلەر اراسىندا تانىمال "دەرٸگەر نۇسقاۋلىعى" (رۋكوۆودستۆو ۆراچا) سمارتفون قوسىمشاسى ارقىلى جٷرگٸزٸلگەن. قوسىمشا يەسٸ, "مەديتسينسكيە ينفورماتسيوننىە رەشەنييا" كومپانيياسىنىڭ باس ديرەكتورى كونستانتين كومانوۆتىڭ ايتۋىنشا, تٸركەلگەن قولدانۋشىلار قوسىمشاداعى اقپاراتتى قولدانۋ ٷشٸن جەنە زەرتتەۋگە قاتىسۋ ٷشٸن مەديتسينا قىزمەتكەرٸ ەكەنٸن دەلەلدەۋٸ تيٸس.
سوڭعى اقپارات بويىنشا, رەسەيدە 326 مىڭنان استام ادامعا ۆيرۋس جۇققان, 3249 ادام قايتىس بولعان. رەسەيدە ادام ٶلٸمٸ كٶرسەتكٸشٸ عالامدىق ٸندەتتەن قاتتى زارداپ شەككەن ەلدەرمەن سالىستىرعاندا تٶمەن.
