رەسەي ٶزٸ باسىپ العان جەردەگٸ ۋكراينا استىعىن اننەكسييالانعان قىرىمعا تاسىپ, ەرٸ قاراي تٷركييا, ەگيپەت, سيريياعا اپارىپ جاتىر. "سحەمالار" باعدارلاماسىنىڭ (ازات ەۋروپا/ازاتتىق راديوسىنىڭ جوباسى) جەنە بي-بي-سي مەن Reuters زەرتتەۋشٸلەرٸ وسىنداي قورىتىندىعا كەلگەن" دەپ حابارلايدى ناستوياششەە ۆرەميا تەلەارناسى.
قازٸرگٸ ۋاقىتتا ۋكراينا "رەسەي كەم دەگەندە 400 مىڭ توننا استىعىمىزدى ۇرلادى" دەپ وتىر.
"سحەما" جۋرناليستەرٸ ۋكراينانىڭ ۇرلانعان استىعى تيەلگەن جٷك كەمەسٸ "قىرىمداعى سەۆاستوپول پورتىنا جەتكەندە راداردى اجىراتىپ تاستايتىنىن, سول سەبەپتٸ ونى كەمە مونيتورينگٸمەن باقىلاۋ مٷمكٸن بولماي قالاتىنىن ايتادى. الايدا جٷك ارتىپ بارا جاتقان كەمەلەردٸ سپۋتينيكتەن جاسىرۋ مٷمكٸن ەمەس" دەيدٸ زەرتتەۋدە.
جۋرناليستەر بىلتىرعىدان گٶرٸ بيىل قىرىمنان ەلدەقايدا كٶپ استىق شىعارىلىپ جاتقانىن انىقتاعان. ولار "قىرىمدا استىقتىڭ سونشالىق كٶپ بولۋى جەنە ونىڭ بەرٸنٸڭ رەسەي مەن قىرىمدى جالعايتىن جالعىز كٶپٸر ارقىلى تاسىمالدانۋى مٷمكٸن ەمەس. رەسەي ۋكراينا جەرٸندەگٸ استىقتى جٷك كٶلٸكتەرٸمەن دە تاسۋعا كٶشكەن" دەپ سانايدى.
قىرىم تٷبەگٸنەن استىقتى كەمەمەن الىپ شىعىپ جاتىر. تەك سەۆاستوپول قالاسىنان ەمەس, فەودوسييا مەن كەرچ پورتتارىنان دا شىعۋدا. بۇل سحەمانى قىرىمنىڭ ۋكراينا تاعايىنداعان, كيەۆتە تۇراتىن پروكۋرورى يگور پونوچوۆنىي دا راستاپ وتىر.
پونوچوۆنىيدىڭ سٶزٸنشە, ۇرلىقپەن اينالىسىپ جٷرگەن كەمەلەر جالعان كۇجات جاساپ العان. جالعان قۇجاتتا كەمەلەر قىرىمنان ەمەس, دونداعى روستوۆتان, نوۆوروسسييسك پەن رەسەيدٸڭ ٶزگە دە پورتتارىنان شىققان دەپ كٶرسەتٸلگەن.
بٸرٸككەن ۇلتتار ۇيىمى مەن ەلەمنٸڭ كٶپتەگەن ەلدەرٸ رەسەي باسىپ كٸرگەن سوڭ ۋكراينا جەرٸنەن تەڭٸز ارقىلى استىق پەن ٶزگە دە ازىق-تٷلٸك ەكەتۋ مٷمكٸن بولماي قالعانىنا الاڭداۋشىلىق بٸلدٸرگەن. مۇنىڭ سوڭى ەلەمنٸڭ كەدەي ەلدەرٸندە اشتىققا ۇلاسۋى مٷمكٸن دەگەن قاۋٸپ بار. رەسەي ٶزٸنە ارتىلعان كٸنەنٸ تەرٸستەۋمەن شۇعىلدانىپ كەلەدٸ.
