كيەۆتٸڭ لەسنيكي اۋىلى جانىندا ۆلاديمير زەلەنسكييدٸڭ بٸرٸنشٸ كٶمەكشٸسٸ سەرگەي شەفيرگە قاستاندىق جاسالدى, دەپ حابارلايدى "ۇلت اقپارات" korrespondent.net سايتىنا سٸلتەمە جاساپ.
بەلگٸسٸز بٸرەۋلەر ونىڭ كٶلٸگٸنە وق جاۋدىرعان. سالدارىنان شەفيردٸڭ جٷرگٸزۋشٸسٸنە ٷش جەردەن وق تيٸپ, جاراقات العان. قازٸر ول جانساقتاۋ بٶلٸمٸندە اۋىر حالدە جاتىر. كەڭەسشٸنٸڭ ٶزٸ زارداپ شەكپەگەن.
"بٷگٸن ساعات 10.00-دە (نۇر-سۇلتان ۋاقىتى بويىنشا ساعات 13.00-دە) لەسنيكي اۋىلىنىڭ ماڭىندا پرەزيدەنتتٸڭ بٸرٸنشٸ كٶمەكشٸسٸ سەرگەي شەفيردٸڭ كٶلٸگٸ اتىلدى. كٶلٸككە 10-نان اسا وق تيدٸ. جٷرگٸزۋشٸ جاراقات الدى", - دەلٸنگەن ۋكراينا ٸشكٸ ٸستەر مينيسترلٸگٸنٸڭ Facebook-تەگٸ حابارلاماسىندا.
وقيعا ورنىندا پوليتسييانىڭ جەدەل-تەرگەۋ توپتارى جۇمىس ٸستەپ جاتىر, قاستاندىق جاساعانداردى ٸزدەۋ بويىنشا ارنايى وپەراتسييا جٷرگٸزٸلۋ ٷستٸندە. سونداي-اق, ٸٸم وقيعا تۋرالى كەز كەلگەن اقپاراتى بار ادامداردان پوليتسيياعا حابارلاۋدى سۇرايدى.
