ۋكراينا پرەزيدەنتٸ ۆلاديمير زەلەنسكيي CNN تەلەارناسىنا بەرگەن سۇحباتىندا قازٸر رەسەي پرەزيدەنتٸ ۆلاديمير پۋتينمەن كەلٸسسٶز جٷرگٸزۋگە دايىن ەمەس ەكەنٸن ايتتى.
زەلەنسكييدٸڭ سٶزٸنشە, ۋكراينا سوعىس جالعاسىپ جاتقاندا كەلٸسسٶزگە بارمايدى.
"ولار قاقتىعىستى ۋاقىتشا توقتاتۋ ٷشٸن كەلٸسسٶزگە, كەلٸسٸمگە كەلۋگە تىرىسادى. ودان سوڭ كٷش جيناپ الىپ, قايتا العا جىلجيدى... مۇنداي ويىندى ويناعىم كەلمەيدٸ" - دەدٸ زەلەنسكيي.
زەلەنسكيي رەسەي وككۋپاتسييالانعان ۋكراينا جەرلەرٸن تولىق قايتارعان سوڭ عانا مەسكەۋمەن كەلٸسسٶز جٷرۋٸ مٷمكٸن دەپ مەلٸمدەدٸ.
"رەسەي بەرٸبٸر بٸزبەن شەكارالاس, بەرٸبٸر بۇل ەل - حالقى كٶپ كٶرشٸمٸز. سوندىقتان ەلٸمٸزدٸڭ وككۋپاتسييالانعان جەرلەرٸن قايتارعان سوڭ ولارمەن كٶرشٸ سيياقتى تۇرۋىمىز كەرەك" دەدٸ پرەزيدەنت.
ۋكراينا قورعانىس مينيسترٸ الەكسەي رەزنيكوۆ "رەسەي ەسكەرٸن شىعارعان جاعدايدا ۋكراينا دەلەگاتسيياسى اقپان مەن ناۋرىزدا بەلارۋس پەن ستامبۋلدا كەلٸسسٶزگە دايىن بولعان ەدٸ. بٸراق قازٸر بۇل مٷمكٸن ەمەس" دەپ مەلٸمدەدٸ.
ال 11 قىركٷيەكتە رەسەي سىرتقى ٸستەر مينيسترٸ سەرگەي لاۆروۆ "روسسييا 1" تەلەارناسىنىڭ ەفيرٸندە مەسكەۋ "كەلٸسسٶزدەن قاشپايدى" دەدٸ.
زەلەنسكييدٸڭ CNN ارناسىنا سۇحباتى ۋكراينا ەسكەريلەرٸنٸڭ حاركوۆ وبلىسىندا رەسەي باسىپ العان جەرلەرٸن قايتارىپ جاتقان تۇستا شىقتى. ۋكراينا قارۋلى كٷشتەرٸ قىركٷيەكتە بٸرنەشە كٷن ٸشٸندە رەسەي ەسكەريلەرٸ بٸرنەشە ايدان بەرٸ ۇستاپ وتىرعان جەرلەردٸ قايتارىپ الدى. ال رەسەي قورعانىس مينيسترلٸگٸ مۇنى ەسكەريلەردٸ "قايتا ورنالاستىرۋ شاراسى" دەپ اتايدى.
دەگەنمەن قازٸر رەسەي ۋكراينادا حەرسون, زاپوروجە, لۋگانسك, دونەتسك, حاركوۆ وبلىستارىنىڭ بٸر بٶلٸگٸن باقىلاۋدا ۇستاپ وتىر.
