© Reuters
ۋكراينا پرەزيدەنتٸ ۆلاديمير زەلەنسكيي Reuters جەنە CNN باسىلىمدارىنا بەرگەن سۇحباتىندا رەسەي پرەزيدەنتٸ ۆلاديمير پۋتينمەن كەلٸسسٶزدەرگە دايىن ەكەنٸن ايتتى. تولىق ۆيدەوسۇحبات ۋكراينا پرەزيدەنتٸنٸڭ Facebook-تەگٸ پاراقشاسىندا جارييالاندى, - دەپ حابارلايدى Tengrinews.kz تٸلشٸسٸ "ۋكراينسكايا پراۆدا" باسىلىمىنا سٸلتەمە جاساپ.
"ەلەم رەسەي فەدەراتسيياسى پرەزيدەنتٸن كەلٸسسٶز ٷستەلٸنە وتىرعىزۋ كەرەك ەكەنٸن تٷسٸنەدٸ, ال مەن ولارمەن كەلٸسسٶز ٷستەلٸنە وتىرۋعا ەلٸ دايىنمىن", - دەدٸ زەلەنسكيي.
سونىمەن قاتار, مەملەكەت باسشىسى كەلٸسسٶزدەردٸ باستاۋ ٷشٸن رەسەي تاراپىنا قويار الدىن الا شارتىن اتادى. "بٸز, ەڭ بولماعاندا, ادامداردى بومبالاۋدى توقتاتۋىمىز كەرەك, تەك بومبالاۋدى توقتاتىپ, سودان كەيٸن كەلٸسسٶز ٷستەلٸنە وتىرۋىمىز كەرەك", - دەدٸ ول.
زەلەنسكيي ۋكراينالىقتار "ٶمٸرٸنٸڭ سوڭىنا دەيٸن" كٷرەسەتٸنٸن ايتتى. "سەبەبٸ بٸز ٶز ٷيٸمٸزدەمٸز. بٸز بالالاردى ٷيدە قورعايمىز. بٸز مۇنى شىن جٷرەكتەن جاسايمىز. بٸز ٶزٸمٸزدٸڭ بالالارىمىزدىڭ بولاشاعى ٷشٸن بەرٸن قورعاۋعا تيٸسپٸز دەپ ەسەپتەيمٸن", - دەدٸ پرەزيدەنت.
زەلەنسكيي سونىمەن بٸرگە ناتو ەلدەرٸن ۋكراينانىڭ ەسكەري وداققا مٷشەلٸككە مٷمكٸندٸگٸ بار-جوعىنا ناقتى جاۋاپ بەرۋگە شاقىردى. ەگەر وداق مۇنداي پەرسپەكتيۆاعا دايىن بولماسا, وندا پرەزيدەنت ناتو ەلدەرٸ ۋكراينانىڭ قاۋٸپسٸزدٸگٸنە, ونىڭ اۋماعى مەن شەكارالارىنىڭ مىزعىماستىعىنا زاڭدى كەپٸلدٸك بەرۋٸ كەرەك دەپ اتاپ ٶتتٸ.
