ۋكراينا پرەزيدەنتٸ ۆلاديمير زەلەنسكيي (وڭ جاقتا) جەنە فرانتسييا پرەزيدەنتٸ ەممانۋەل ماكرون كيەۆتەگٸ بريفينگتەن سوڭ, 8 اقپان 2022 جىل.
فرانتسييا پرەزيدەنتٸ ەممانۋەل ماكرون رەسەي باسشىسى ۆلاديمير پۋتيندٸ "ۇيالتپاس ٷشٸن" ۋكرايناعا سۋۆەرەنيتەتپەن بايلانىستى بٸرقاتار شارتتارعا كٶنۋدٸ ۇسىندى. بۇل جٶنٸندە يتالييانىڭ Rai 1 تەلەارناسىنا بەرگەن سۇحباتىندا ۋكراينا باسشىسى ۆلاديمير زەلەنسكيي ايتتى, دەپ حابارلايدى ازاتتىق.
زەلەنسكييدٸڭ سٶزٸنە قاراعاندا, فرانتسۋز پرەزيدەنتٸنٸڭ ەرەكەتٸ "دۇرىس بولماعان". زەلەنسكيي ۋكراينا "بٸرەۋدٸ ۇيالتپاس ٷشٸن تەرريتوريياسىن بەرۋگە دايىن ەمەس" دەپ جاۋاپ بەرگەن.
ۋكراينا باسشىسى ماكرون ۇسىنىسىنىڭ مەنٸ نەدە بولعانىن جەنە ونى قاشان جاساعانىن ايتپادى. ماكروننىڭ ٶزٸ مەسكەۋ مەن كيەۆتە سوڭعى رەت اقپان ايىنىڭ باسىندا بولعان. ول كەزدە رەسەي باسقىنشىلىعى باستالماعان, بٸراق ۋكراينامەن شەكارادا كٶپ ورىس ەسكەرٸ بولدى. سول كەزدە اقپارات قۇرالدارى ماكرون زەلەنسكييگە رەسەي شارتتارىنا كٶنۋ تۋرالى پۋتين ۇسىنىسىن جەتكٸزۋٸ مٷمكٸن دەپ جازعان. فرانتسۋز پرەزيدەنتٸنٸڭ ساپارىنان كەيٸن ەكٸ اپتادان سوڭ سوعىس باستالدى.
زەلەنسكيي سۇحباتتا "ەممانۋەلگە ديپلوماتييالىق پا (قادام) جاساۋى شارت ەمەس" دەگەن. رەسەي پرەزيدەنتٸن "ۇيالتپاۋ" امالدارىن ٸزدەگەنشە, رەسەيدٸ ساقتاپ قالۋ جاعىن ويلاۋدى ۇسىنعان.
ۋكراينا پرەزيدەنتٸ سۇحباتتا پۋتينمەن الدىن الا قانداي دا بٸر شارت نەمەسە ۋلتيماتۋم قويماي, جەكە كەزدەسۋگە دايىن ەكەنٸن ايتقان. كرەملدٸڭ باسپاسٶز حاتشىسى دميتريي پەسكوۆ جۇما كٷنٸ ەكٸ ەل باسشىسى قۇجاتتارعا قول قويۋ ٷشٸن كەزدەسپەسە, ناقتى مەسەلەلەردٸ تالقىلامايدى دەپ ايتقان.
فرانتسييا تارابى زەلەنسكيي سٶزٸنە رەاكتسييا بٸلدٸرمەدٸ.
