بۇل تۋرالى ۋكراينا پرەزيدەنتٸ ۆلاديمير زەلەنسكيي ايتتى, دەپ حابارلايدى قازاقپارات رەسەيلٸك تاسس اگەنتتٸگٸنە سٸلتەمە جاساپ.
ول ەۋروپالىق كوميسسييانىڭ باسشىسى ۋرسۋلا فون دەر ليايەنمەن, پولشا پرەزيدەنتٸ اندجەي دۋدامەن, ليۋكسەمبۋرگ پرەمەر-مينيسترٸ كساۆە بەتتەلمەن سٶيلەسكەنٸن حابارلادى.
«ٶزارا تٷسٸنٸستٸك 100% - عا ارتتى. يزرايل پرەمەر-مينيسترٸ (نافتالي) بەننەتپەن ەڭگٸمە دە بۇل سوعىستى تەزٸرەك جەنە ادال اياقتاۋ ٷشٸن كەلٸسسٶزدەر جٷرگٸزۋدٸڭ بٸر بٶلٸگٸ رەتٸندە ماڭىزدى بولدى. بٸزدٸڭ دەلەگاتسييا رەسەي تاراپىمەن كەلٸسسٶزدەردە دە وسى باعىتتا جۇمىس ٸستەدٸ. ماعان حابارلانعانداي ەزٸرگە جامان ەمەس, بٸراق بٸراز كٶرەيٸك. ەرتەڭ جالعاسادى», - دەدٸ زەلەنسكيي.
دٷيسەنبٸدە ونلاين فورماتتا رەسەي مەن ۋكراينا دەلەگاتسييالارى اراسىنداعى كەلٸسسٶزدەر ٶتتٸ. ۋكراينا پرەزيدەنتٸ كەڭسەسٸ باسشىسىنىڭ كەڭەسشٸسٸ ميحايل پودولياكتىڭ ايتۋىنشا, رەسەي فەدەراتسيياسى مەن ۋكراينا دەلەگاتسييالارىنىڭ كەلٸسسٶزدەرٸندە سەيسەنبٸگە دەيٸن تەحنيكالىق ٷزٸلٸس جاسالدى.
24 اقپاندا رەسەي پرەزيدەنتٸ ۆلاديمير پۋتين دونباسس رەسپۋبليكالارى باسشىلارىنىڭ كٶمەك سۇراعان ٷندەۋٸنە جاۋاپ رەتٸندە ۋكراينادا ارنايى ەسكەري وپەراتسييا جٷرگٸزٸلەتٸنٸن حابارلادى. ول مەسكەۋدٸڭ جوسپارلارىندا ۋكراينا اۋماقتارىن وككۋپاتسييالاۋ جوق ەكەنٸن, ماقسات ەلدٸ دەميليتاريزاتسييالاۋ جەنە ۇلتسىزداندىرۋ ەكەنٸن اتاپ ٶتتٸ.
