سوڭعى ۋاقىتتا بۇقارالىق اقپارات قۇرالدارىندا "زايسان اۋدانى, شٸلٸكتٸ اۋىلدىق وكرۋگٸندە بەلگٸسٸز ٸندەتتەن مال قىرىلىپ جاتىر" دەگەن اقپارات تاعى دا جارييالانا باستادى, دەپ حابارلايدى شقو ەكٸمٸنٸڭ باسپاسٶز قىزمەتٸ.
قوعامدى دٷرلٸكتٸرگەن بۇل جايتتى تەكسەرۋ ماقساتىندا 27-28 ماۋسىمدا قر اشم ۆەتەرينارلىق باقىلاۋ جەنە قاداعالاۋ كوميتەتٸ تٶراعاسىنىڭ مٸندەتٸن اتقارۋشى باۋىرجان ابىزباەۆتىڭ تٶراعالىعىمەن, وبلىستىڭ ۆەتەرينارلىق قىزمەتٸ, اۋدان ەكٸمدٸگٸ مەن مال يەلەرٸنٸڭ قاتىسۋىمەن رەسپۋبليكالىق كوميسسييا جۇمىس ٸستەدٸ.
اتالمىش رەسپۋبليكالىق كوميسسييا مالدىڭ «جۇقپالى اۋرۋلاردان جاپپاي قىرىلۋ» فاكتٸسٸنٸڭ جوقتىعىن تاعى دا راستادى.
ەستەرٸڭٸزگە سالساق, وسىعان دەيٸن مامىر ايىنىڭ ورتاسىندا شٸلٸكتٸ اۋىلىندا تەكسەرۋ جٷرگٸزٸلٸپ, 25 ماۋسىمدا قر اۋىل شارۋاشىلىعى مينيسترلٸگٸ بۇل اقپاراتتاردى تەرٸسكە شىعارعان بولاتىن. شىعىس قازاقستان وبلىسىندا اسا قاۋٸپتٸ اۋرۋدان مال قىرىلىپ جاتىر دەگەن اقپارات جالعان جەنە ونداي دەرەك مٷلدە تٸركەلمەگەن.
