Sońǵy ýaqytta buqaralyq aqparat quraldarynda "Zaisan aýdany, Shilikti aýyldyq okrýginde belgisiz indetten mal qyrylyp jatyr" degen aqparat taǵy da jariialana bastady, dep habarlaidy ShQO ákiminiń baspasóz qyzmeti.
Qoǵamdy dúrliktirgen bul jaitty tekserý maqsatynda 27-28 maýsymda QR AShM Veterinarlyq baqylaý jáne qadaǵalaý komiteti tóraǵasynyń mindetin atqarýshy Baýyrjan Abyzbaevtyń tóraǵalyǵymen, oblystyń veterinarlyq qyzmeti, aýdan ákimdigi men mal ieleriniń qatysýymen Respýblikalyq komissiia jumys istedi.
Atalmysh Respýblikalyq komissiia maldyń «juqpaly aýrýlardan jappai qyrylý» faktisiniń joqtyǵyn taǵy da rastady.
Esterińizge salsaq, osyǵan deiin mamyr aiynyń ortasynda Shilikti aýylynda tekserý júrgizilip, 25 maýsymda QR Aýyl sharýashylyǵy ministrligi bul aqparattardy teriske shyǵarǵan bolatyn. Shyǵys Qazaqstan oblysynda asa qaýipti aýrýdan mal qyrylyp jatyr degen aqparat jalǵan jáne ondai derek múlde tirkelmegen.
