شىعىس قازاقستاننىڭ تارباعاتاي اۋدانىندا ەكٸ بالىقشى جوعالىپ كەتتٸ. بۇل تۋرالى "ۇلت اقپارات" شقو تٶتەنشە جاعدايلار دەپارتامەنتٸنە سٸلتەمە جاساپ حابارلايدى.
41 جەنە 26 جاستاعى بالىقشىلار 6 قىركٷيەك كٷنٸ كەتكەننەن ٷيلەرٸنە ورالماعان. ولار مٸنگەن قايىق زايسان كٶلٸنەن تابىلعان. سوعان قاراپ, بالىقشىلار باتىپ كەتتٸ دەگەن بولجام ايتىلۋدا.
«جٷزۋ قۇرالى جاعادان بٸر شاقىرىم جەردەن تابىلدى. بالىقشىلاردى كٶرگەندەردٸڭ ايتۋىنشا, قايىقتا قۇتقارۋ كەۋدەشەسٸ مەن شەڭبەر بولماعان. ال جاس بالىقشى جٷزۋ بٸلمەگەن. وقيعا ورنىنا ٶسكەمەننەن سٷڭگۋٸرلەر باردى. ولار جاعادان 10-15 شاقىرىم اۋماقتا 15 مەتر تەرەڭدٸككە دەيٸن ٸزدەۋ جۇمىستارىن جٷرگٸزٸپ جاتىر. سۋ استىنداعى ٸزدەۋ كٷن سايىن قاس قارايعانشا جالعاسادى», - دەلٸنگەن دەپارتامەنتتٸڭ باسپاسٶز قىزمەتٸ تاراتقان مەلٸمەتتە.
ٸزدەۋ جۇمىستارىنا ماڭايداعى اۋىلداردان ەرٸكتٸ تۇرعىندار دا تارتىلعان. ەۋەدەن دە تٸكۇشاق ارقىلى ٸزدەۋ جٷرٸپ جاتىر.
