قازاقستاندىق تەننيسشٸ زارينا ديياس جاپونيياداعى گيفۋ ITF تۋرنيرٸنٸڭ جەڭٸمپازى اتاندى, دەپ حابارلايدى قازاقپارات تٸلشٸسٸ.
وسى تۋرنيردٸڭ ٷشٸنشٸ, ەلەمنٸڭ 115-راكەتكاسى ز.ديياس فينالدا رەيتينگتە 190-ورىندا تۇرعان تايۆاندىق ەن شو ليانمەن كٷش سىناستى.
قازاقستاندىق تەننيسشٸ قارسىلاسىن 6:0, 6:2 ەسەبٸمەن ويسىراتا جەڭدٸ.
بەسەكە بٸر ساعاتتان سەل استام ۋاقىتقا سوزىلدى.
وسىلايشا زارينا ديياس جٷلدە قورى 80 مىڭ اقش دوللارىنا باعالانعان جارىستىڭ چەمپيونى اتاندى.
جالپى, زاريناعا جاپون جەرٸ جاعادى دەۋگە بولادى. بۇدان ەكٸ جىل بۇرىن قازاقستاندىق تەننيسشٸ توكيو تۋرنيرٸنٸڭ جەڭٸمپازى اتانعان ەدٸ. بۇل ونىڭ WTA تۋرنيرلەرٸندەگٸ العاشقى جەڭٸسٸ بولاتىن. اتالمىش تابىس ەزٸرگە جالعىز بولىپ تۇر. ەندٸ الداعى ۋاقىتتا وسىنى جالعاستىرىپ, بەسٸ مەن دەڭگەيٸ ITF-دان جوعارى WTA جارىستارىندا سەتتٸ ٶنەر كٶرسەتسە, رەيتينگٸسٸ دە جوعارىلار ەدٸ.
وسى ايدىڭ اياعىندا باستالاتىن, تەننيستٸ تاماشالايتىن بٷكٸل ەلەمنٸڭ نازارى اۋاتىن پاريجدەگٸ رولان گارروس تۋرنيرٸنٸڭ جٶنٸ تٸپتەن بٶلەك. يۋلييا پۋتينتسەۆا ەكەۋٸنە سول جارىستا جولى بولسا, تابار تابىستارى دا مولايا تٷسەر ەدٸ.
ەسكە سالا كەتەيٸك, بۇدان بۇرىن زارينا ديياستىڭ گيفۋ تۋرنيرٸنٸڭ شيرەك, جارتىلاي فينالدارىنان ٶتٸپ, فينالعا جولداما العانىن, تاعى بٸر قازاقستاندىق يۋلييا پۋتينتسەۆانىڭ مادريد تۋرنيرٸن جەڭٸسپەن باستاعانىن جازعان بولاتىنبىز.
تاعى بٸر قازاقستاندىق دميتريي پوپكو اقش-تاعى ۆەرو بيچ ITF تۋرنيرٸنٸڭ فينالىنا شىقتى. ول سوڭعى بەسەكەدە امەريكالىق, وسى تۋرنيردٸڭ ەكٸنشٸ, ەلەمنٸڭ 400-راكەتكاسى سەكۋ بانگۋرا نەمەسە ەكۆادور ەلٸنٸڭ ٶكٸلٸ ديەگو يدالگونىڭ بٸرەۋٸمەن چەمپيوندىق اتاق ٷشٸن تالاسادى.
