فوتو: اشىق دەرەككٶزدەن
استانادا جول قوزعالىسى ەرەجەلەرٸن ٶرەسكەل ەرٸ جٷيەلٸ تٷردە بۇزعان جٷرگٸزۋشٸ 15 تەۋلٸككە قاماۋعا الىندى, دەپ حابارلايدى Ult.kz.
پوليتسييا مەلٸمەتٸنشە, 27 جاستاعى BMW جٷرگٸزۋشٸسٸ جىل باسىنان بەرٸ 61 رەت ەكٸمشٸلٸك جاۋاپكەرشٸلٸككە تارتىلعان. ونىڭ 59-ى – جىلدامدىقتى اسىرۋ دەرەكتەرٸ.
ەڭ قاۋٸپتٸ جاعدايلاردىڭ بٸرٸ ەل-فارابي كٶشەسٸندە تٸركەلگەن. جٷرگٸزۋشٸ جاياۋ جٷرگٸنشٸلەر ٶتكەلٸنەن ساعاتىنا 133 شاقىرىم جىلدامدىقپەن قىزىل جارىققا ٶتٸپ كەتكەن. بۇعان قوسا, رۇقسات ەتٸلگەن 90 كم/ساع جىلدامدىقتىڭ ورنىنا 216 كم/ساع-پەن جٷرگەنٸ انىقتالعان.
پوليتسييا مۇنداي ەرەكەتتەردٸڭ ازاماتتاردىڭ ٶمٸرٸ مەن دەنساۋلىعىنا تٸكەلەي قاۋٸپ تٶندٸرەتٸنٸن اتاپ ٶتتٸ.
قۇقىق بۇزۋشى ۇساق بۇزاقىلىق بابى بويىنشا جاۋاپقا تارتىلىپ, 15 تەۋلٸككە قامالدى. كٶلٸك كوممۋنالدىق تۇراققا قويىلدى.
ۆەدومستۆو ٶكٸلدەرٸ زاڭ تالاپتارىن قاساقانا ەلەمەيتٸن تۇلعالارعا, ولاردىڭ ەلەۋمەتتٸك مەرتەبەسٸنە نەمەسە تابىس دەڭگەيٸنە قاراماستان, قاتاڭ شارا قولدانىلاتىنىن مەلٸمدەدٸ.
Kozachkov offside Telegram ارناسىنىڭ جازۋىنشا, ۇستالعان ازامات – تانىمال IT-كەسٸپكەر, موبيلدٸ ويىن ەزٸرلەۋشٸ رومان لينەيتسەۆ. ول “Grand Mobile” جوباسىنىڭ اۆتورى رەتٸندە بەلگٸلٸ. 2024 جىلى كومپانييا تابىسى 18 ميلليون دوللاردى قۇراعانى ايتىلعان. سونداي-اق ول Forbes جۋرنالىنىڭ “30 جاسقا دەيٸنگٸ 30 ٷزدٸك” تٸزٸمٸنە ەنگەن.
اقپاراتتارعا سەيكەس, كەسٸپكەردٸڭ يەلٸگٸندە بٸرنەشە كٶلٸك بار جەنە ول تٷرلٸ سپورتتىق ۇيىمدار مەن ستارتاپتاردى قولداپ كەلەدٸ. الايدا بۇل جاعداي زاڭ تالاپتارىن ساقتاۋدىڭ بارشاعا بٸردەي مٸندەت ەكەنٸن تاعى بٸر مەرتە كٶرسەتتٸ.
